Foto: qazaqstan.tv
«2024-2025 oqý jylyna arnalǵan memlekettik bilim berý tapsyrysy bekitildi. Túlekter qandaı baǵyttar, bilim berý baǵdarlamalarynyń qandaı toptary boıynsha qansha grant bólingenin kóre alady. Bıyl Ǵylym jáne joǵary bilim mınıstrliginiń jelisi boıynsha bakalavrıat deńgeıine - 78 219 grant, magıstratýra deńgeıine - 13 119 jáne doktorantýra deńgeıine - 1 919 grant bóldik», dedi Janna Esınbaeva.
Esınbaevanyń málimetinshe, bıyl eń kóp grant ınjenerlik-tehnıkalyq salalarǵa bólinedi. Bul Memleket basshysynyń tehnıkalyq baǵyttaǵy mamandardy daıarlaýǵa qatysty júktegen tapsyrmasyna sáıkes júzege asyryldy.
«Injenerlik ǵylymdar, qurylys ǵylymdary, aqparattyq-kommýnıkasııalyq tehnologııalar, aqparattyq qaýipsizdik, jaratylystaný ǵylymdary, matematıka, statıstıka – munyń barlyǵy memlekettik tapsyrystyń jalpy kóleminiń shamamen 60%-yn quraıdy», dep qosty J.Esınbaeva.
Al pedogogıkalyq baǵyttaǵy mamandyqtarǵa bıyl 13 myń grant bólinedi.
Qyrmyzy JUMAǴALIQYZY,
EUÝ stýdenti
