Foto: amanatpartiasy.kz
Baǵdarlama pılottyq rejımde Qostanaı oblysynyń Aısary aýylynda iske qosyldy. Qostanaı oblysy halqynyń 38 paıyzy aýyldyq jerlerde turady, kóptegen aýyldar ınfraqurylymdy jańǵyrtýdy qajet etedi. 140-tan astam aýyl sapaly sý, al 150-ge jýyǵy joǵary jyldamdyqty ınternetsiz qaldy. Joldar, jaryqtandyrý, mektepter men medısınalyq mekemelerdiń jaǵdaıy nashar.
− «Jarqyn aýyl» jobasy aýyldyq eldimekenderdiń ál-aýqatyn sapaly jaqsartýǵa arnalǵan. Demeýshiler esebinen turǵyn úıler salynady, balalar jáne sport alańdary ornatylady, saıabaqtar damıdy, demalys ortalyqtary ashylady jáne t.b. Joba 400-den astam aýyldy qamtıtyn bolsa, oblys kásipkerleri jalpy somasy 10 mlrd teńgege qoldaý kórsetýge daıyn ekendikterin jetkizdi. Qostanaı oblysynyń ákimi bizge aıtarlyqtaı qoldaý kórsetti. Bul partııa men jergilikti atqarýshy organdar arasyndaǵy sınergetıkanyń aıqyn mysaly. «Jarqyn aýyl» búkil elge úlgi bolady dep oılaımyz, − dedi «AMANAT» partııasy Qostanaı oblystyq fılıalynyń tóraǵasy Almat Dosmuhamedov.
Osylaısha, partııanyń aýdandyq fılıaldary ákimdiktermen, kásipkerlermen memorandýmǵa qol qoıyp, jobanyń turaqtylyǵy men ashyqtyǵyn qamtamasyz etedi. Nátıjesinde aýyl turǵyndary sapaly sýmen, joldarmen, joǵary jyldamdyqty ınternetpen qamtylyp, aldaǵy úsh jylda aýyldardyń kelbeti jaqsarady.
Birinshi kezekte «Jarqyn aýyl» jobasy aıasynda Qostanaı aýdany Aısarın aýyldyq okrýginde úsh kóshe jáne jergilikti stadıon qaıta jóndeýden ótedi. Sondaı-aq Aısary-Polovnıkovka sý qubyry salynyp, medısınalyq jáne akýsherlik pýnktter ashý jumystary qolǵa alyndy. Kózdelgen barlyq jumystar 1 qazanǵa deıin aıaqtalady.
Qyrmyzy JUMAǴALIQYZY,
EUÝ stýdenti
