Foto: zakon.kz
Qarjy mınıstri baıandamasynda Qazaqstan shet memleketterge qansha qaryzy bar ekenin málim etti.
О́tken jyly bıýdjet tapshylyǵy 3,1 trln teńgeni quraǵan. Bul nátıje jalpy ishki ónimniń 2,6 paıyzyn quraıdy. Bıýdjet tapshylyǵy ishki kózderden, onyń ishinde, qaryz túsimderi 5 348,1 mlrd teńge, bıýdjet qarajatynyń qaldyqtaryn paıdalaný 222,3 mlrd teńge, qaryzdardy óteý 2 449,6 mlrd teńge esebinen qarjylandyrylǵan.
2024 jyldyń 1 qańtaryndaǵy jaǵdaı boıynsha memlekettik borysh 27,2 trln teńge nemese jalpy ishki ónimge 22,8 paıyzyn (119 251,1657 mlrd. teńge) qurady. Onyń ishinde Úkimettiń boryshy - 24,9 trln teńge ekeni belgili boldy.
«Memlekettik boryshtyń joǵarǵy shegi Eýrazııalyq ekonomıkalyq odaqqa múshe elder úshin jalpy ishki ónimge 50%-dan aspaıtyn deńgeıde belgilengen. Qazirgi ýaqytta Memlekettik qarjyny basqarý tujyrymdamasynda belgilengen boryshtyq ındıkatorlar ruqsat etilgen mánder aımaǵynda tur. 2024-2028 jyldarǵa arnalǵan boljamdar memlekettik borysh kórsetilgen jyldary lımıtten aspaıtynyn jáne jalpy ishki ónimge 25%, al úkimettik borysh jalpy ishki ónimge 21% deńgeıinde bolatynyn kórsetti», dedi Mádı Tákıev.
«Syrtqy qaryz» degen uǵymǵa elimizge kirgen barlyq ınvestısııalar, fırmaaralyq aqsha qatynastary, bizdegi sheteldik kompanııalar bas keńseleriniń Qazaqstandaǵy fılıaldaryna jibergen qarjysy, úkimet pen kvazımemlekettik kompanııalar alǵan qaryz jáne t.b. bereshekter kiredi.
