Kezdesýge Aýyl sharýashylyǵy vıse-mınıstri Erbol Tasjúrekov qatysyp, eki eldiń arasyndaǵy ǵylymı jáne bilim berý qarym-qatynastaryn damytýǵa úlken áser etetin negizgi baǵyttardy damytýdyń mańyzyna toqtaldy.
KazNARU Basqarma tóraǵasy-rektor, UǴA prezıdenti Aqylbek Kúrishbaev Qazaqstan Qytaıdyń Ortalyq Azııadaǵy senimdi seriktesi bolyp tabylatynyn jáne «Bir beldeý – bir jol» bastamalaryn qoldaıtynyn, onda kórshi elder túrli baǵyttar boıynsha, onyń ishinde agrarlyq salada jemisti yntymaqtasatynyn atap ótti.
«KazNARU ózara tıimdi yntymaqtastyqty damytýda jetekshi ról atqarady jáne AО́K salasynda tereń óńdeý, sý resýrstaryn tıimdi basqarý, óńirlik azyq-túlik qaýipsizdigi, klımattyq ózgeristerdiń saldarymen kúresý boıynsha kóptegen aýqymdy ǵylymı jobalardy iske asyrady. Búgingi tańda KazNARU QHR - dyń 20-dan astam jetekshi ýnıversıtetterimen bilim berý baǵdarlamalary men birlesken ǵylymı zertteýlerdi iske asyrý boıynsha sharttarǵa qol qoıdy. Onyń ishinde bizdiń seriktesterimiz: Qytaı agrarlyq ýnıversıteti (Pekın), qytaılyq Dayu Irrigation Group kompanııasy, Lanjoý ýnıversıteti, Henan aýylsharýashylyq ýnıversıteti, Sychýan aýylsharýashylyq akademııasy, Soltústik-Batys aýyl sharýashylyǵy jáne orman sharýashylyǵy ýnıversıteti, Lanchjoý veterınarlyq ǵylymı-zertteý ınstıtýty bar», dep atap ótti Aqylbek Qajyǵululy.
Qytaıdyń aýylsharýashylyǵyn damytýdaǵy tájirıbelik jetistikterin paıdalana otyryp, qytaı tehnologııasyn engizý arqyly ekologııalyq taza ónim alýǵa, ony eksporttaýǵa arnalǵan birlesken Tehnopark qurýmen qatar QHR joǵary bilim berý salasyndaǵy jetekshi oqý orny – Qytaı agrarlyq ýnıversıtetiniń (SAU) KazNARU bazasynda fılalyn qurý. Rektor atalǵan fılıaldyń ashylýy eki eldiń ǵalymdaryna AО́K ózekti máseleleri boıynsha birlesken ǵylymı zertteýler júrgizýge, jańa tehnologııalar transfertin júzege asyrýǵa, básekege qabiletti mamandardy daıarlaýǵa múmkindik beredi.
Búginde aspan asty elimen Qazaqstandaǵy sýdy únemdeý, sý resýrstaryn sıfrlyq basqarý basqarý boıynsha aýqymdy (Mega grant) jobasyn birlese jasaý óte ózekti. Sý resýrstaryn tıimdirek basqarý úshin zamanaýı tásilder men sıfrlandyrýdy damytýdyń qajettiligin, sondaı-aq Qazaqstan aýmaǵynda jáne oǵan irgeles óńirlerde sý tasqynyn uzaq merzimdi boljaýdaǵy ózekti máseleler bar.
Sonymen qatar veterınarııa ǵylymy salasynda bilikti kadrlardy birlese daıyndaý, veterınarııa ǵylymy boıynsha qazaq-qytaı birlesken halyqaralyq jobalaryn bastaý, ýnıversıtet bazasynda «Veterınarııalyq ǵylymı zerthana» men «Qazaq-Qytaı Aqyldy aýylsharýashylyq ortalyǵyn» qurý, eki el arasyndaǵy ozyq ýnıversıtetter arasynda yntymaqtsatyqty damytý sııaqty kóptegen máseleler qarastyryldy.
О́z kezeginde QHR Memlekettik keńesiniń Vıse-premeri Lıý Gochjýn Qytaı men Qazaqstan arasyndaǵy yntymaqtastyqty damytýdyń oń dınamıkasyn atap ótti, sondaı-aq eki el arasyndaǵy ǵylym jáne bilim berý baılanystaryn tereńdetýdiń tıimdi tetikterin birlese izdeýdi jáne iske asyrýdy jedeldetýge nıet bildirdi.
Osy kezdesý barysynda halyqaralyq Vaksınologııa ortalyǵynyń dırektory Qaısar Tabynov jýsan tozańynan týyndaǵan allergııalyq rınıt pen ókpe demikpesiniń ımmýnoterapııasyna arnalǵan biregeı PollenVax vaksınasyn tanystyrdy.
Qytaı delegasııasy KazNARU ǵylymı-ınnovasııalyq ınfraqurylymymen tanysyp, aldaǵy ýaqytta áriptestikti damytýǵa qyzyǵýshylyq bildirdi.
ALMATY
