«Kezinde Aıbat ekeýmiz bokspen birge aınalystyq. Ol óte jigerli bala bolatyn. Boksshylardyń boıynan men Aıbatqa tán jalyndy, rýhty kórdim. Jeńiske jetýge degen umtylystary joǵary boldy. Sol sebepti týrnır ádildik prınsıpterine saı ótti dep esepteımin. Atalǵan birinshilik balalarǵa jaqsy kóńil-kúı syılady. Olarǵa úlken tájirıbe jınaýǵa múmkindik berdi. Álbette, osy týrnır kelesi jyly da óz jalǵasyn tabýy kerek», deıdi Bas tóreshi Daryn Dúısenbaev.
Týrnırde bes salmaq sanaty boıynsha 60-tan astam medal jıyntyǵy oınatyldy. 200-ge jýyq jas sportshy qatysty. Batyrdyń ata-anasy daıyndaǵan arnaıy syılyqtar da boldy. Ony 43 keli salmaq dárejesinde jeńimpaz atanǵan jańaarqalyq Qabylda Mánsúr utyp aldy.
«О́tken jyly arnaıy syılyq Aıbat óner kórsetken 37 keli salmaqtyń jeńimpazyna tapsyrylǵan edi, osy joly 43 keli salmaq jeńimpazyna berýdi jón kórdik. Jyl saıyn salmaq dárejesi aýysyp, balalar úshin tosyn syı bolsyn dep sheshtik. Bul da jarysqa qatysýshylardy yntalandyrady. Ulym bokspen aınalysqanda, osyndaı jarystarǵa baratyn. Osy jarysty birneshe jyl uıymdastyrýǵa kómek qolyn sozyp kele jatqan Ishki ister mınıstrligine jáne Ulttyq ulan basshylyǵyna úlken alǵysymyzdy bildiremiz. Týrnır jyldan jylǵa jalǵasyp, respýblıkalyq deńgeıge deıin jetetinine kámil senemin», dedi batyrdyń anasy Gúlnaz Álkenqyzy.
Birinshilik sońynda uıymdastyrýshylarǵa Ulttyq ulan «Ońtústik» óńirlik qolbasshylyǵynyń qolbasshysy general-maıor Talapker Ámrıevtiń atynan alǵys hat tabystalsa, jeńimpazdarǵa arnaıy gramotalar men medaldar saltanatty jaǵdaıda tabys etildi.
Aıta ketý kerek, buǵan deıin batyr sarbaz turǵan úıde, Aqseleý Seıdimbek atyndaǵy orta mektepte memorıaldyq taqtanyń ashylý saltanaty ótken bolatyn.
General-maıor Qaırat Úmbetov el aldynda Aıbat Amanovtyń ákesine shapan jaýyp, áskerdiń Bas qolbasshysy atynan estelik syılyqty tabystady.
Eske salaıyq, 2022 jylǵy qańtarda jappaı tártipsizdikter kezinde Taldyqorǵan qalasyndaǵy 5514 áskerı bóliminiń qatardaǵy jaýyngeri Aıbat Amanov joldastaryn qutqarý maqsatynda soqqyny ózine qabyldap, erlikpen qaza tapty.
Kórsetken erligi men batyldyǵy úshin Memleket basshysynyń buıryǵymen qaıtys bolǵannan keıin III dárejeli «Aıbyn» ordenimen marapattaldy. Batyr jaýynger esimi ózi qyzmet etken áskerı bólim jeke quramynyń tizimine máńgige jazyldy.
S.Seıfýllın atyndaǵy Jańaarqa tarıhı-ólketaný murajaıynda Aıbat Amanovtyń kıimderi men jeke zattary bar kórme uıymdastyryldy.
Aqerke MAMYRBEK
