Foto: gov.kz
Oblysta sý tasqyny qaýpi áli de saqtalyp otyr. Osyǵan baılanysty aımaqta volonterlik qyzmet te toqtaǵan joq.
Jyloı aýdandyq gýmanıtarlyq kómek ortalyǵynda 60-qa jýyq erikti turǵyndarǵa azyq-túlik taratýǵa jumyldyrylǵan.
Qulsary qalasyndaǵy eriktiler shtabynyń jetekshisi Janargúl Sharǵabaevanyń aıtýynsha, búginde pýnktte azyq-túlik qory jetkilikti.
«Halyqqa azyq-túlikti keste boıynsha taratamyz. 500-ge jýyq otbasyn barlyq qajetti zattarmen qamtamasyz etip otyrmyz. Qazir 20 tonnalyq fýramen Atyraýdan gýmanıtarlyq kómek keldi, olardy 4 pýnkt arqyly taratamyz. Búgingi tańda un, muzdatylǵan qus etiniń, jumyrtqa, jarmanyń, jaıalyq pen tósek jabyndysynyń qory jetkilikti. Uzaq saqtalatyn azyq-túlik, gıgıenalyq quraldar men turmystyq hımııalyq zattardan turatyn gýmanıtarlyq kómek Jylyoıǵa oblys ortalyǵynan kelip jatyr», dedi Janargúl Sharǵabaeva.
