Foto: gov.kz
Maqsut Isahovqa qatysty is Qylmystyq kodekstiń 367-baby 4-bóligi («Asa iri mólsherde para berý») boıynsha qaraldy.
Aıyptalýshy Shymkent qalasy ákiminiń orynbasary qyzmetin atqara júrip, Qylmystyq kodekstiń 362-baby 4-bóliginiń 3) tarmaǵymen Shymkent qalasy Ulttyq qaýipsizdik komıteti departamentinde ákimshiliktiń laýazymdy tulǵalaryna qatysty qozǵalǵan is boıynsha Shymkent qalasy boıynsha UQK departamentiniń birinshi orynbasary S-ǵa isti qysqartý úshin 200 myń dollar kóleminde para berýge oqtalǵan.
Shymkent qalasynyń qylmystyq ister jónindegi mamandandyrylǵan aýdanaralyq sotynda Maqsut Isahovtyń kinási kýágerlerdiń jaýaby, saraptamalardyń qorytyndysy jáne is-qaǵazdarmen dáleldendi.
«Sot Maqsut Isahovty asa iri mólsherde para berýge oqtaldy degen aıyp boıynsha kináli dep taýyp, Qylmystyq kodekstiń 55-baby 2-bóligi, 56-baby 3-bóligin qoldanyp, memlekettik qyzmette laýazymdy qyzmet atqarý quqyǵynan ómir boıyna aıyryp, 8 jyl 5 aı 7 kúnge bas bostandyǵynan aıyrý jazasyn taǵaıyndady», delingen qalalyq sot habarlamasynda.
Úkim zańdy kúshine engen joq. Isti qaraý barysynda ákimniń burynǵy orynbasaryn «Qurmet» ordeninen aıyrý usynysy da engizildi.
