Foto: áleýmettik jeliden
Jıynda oblys ákimi Serik Shápkenov Qulsary qalasyndaǵy jaǵdaı jaıynda baıandap, shyǵyndy óteý jumystary týraly aıtty. Onyń sózinshe, jyljymaıtyn múlikti baǵalaý komıssııasyna barlyǵy 2 727 ótinish túsip, 1000-ǵa jýyq úı apatty dep tanylǵan.
- 500 turǵynǵa baǵalaý qorytyndysy týraly aqparat berildi. 105 turǵyn ótemaqy somasyna kelisip, kelisim-shartqa otyrdy (avarııalyq – 53, kúrdeli jóndeý – 52). Baǵalaý apta aıaǵyna deıin júredi, mamandar táýlik boıy jumys istep jatyr. 18 mamyrda Qulsary qalasynyń «Bolashaq» shaǵynaýdanynda 150 úı salynady dep josparlansa, qazir 70 úıdiń qurylysy bastaldy. Jaǵdaı jeke baqylaýymda, - dedi S.Shápkenov.
Budan bólek, tasqynnan zardap shekken kásipkerlerge keltirilgen shyǵyndy óteý boıynsha da keńes berý ortalyǵy jumys istep jatyr. Búginde 301 kásipkerden ótinish túsken. Tórt-túliktiń shyǵynyn esepteý jumystary da jalǵasýda. Tasqynnan qyrylǵan mal basyna ótemaqy tóleý 21 mamyrda bastalady. 150 AEK mólsherindegi múliktik zalaldy óteýge 2 707 ótinish túsip, onyń ishinde 416-nyń qorytyndysy daıyn bolǵan.
