«Birde tańerteń mazasyz uıqydan oıanǵan Gregor Zamza óziniń tósekte jatyp qubyjyq jəndikke aınalyp ketkenin ańǵarady. Tas qabyqty arqasymen shalqasynan jatqan ol basyn kótergen saıyn qarnyn qaptaı japqan qabyrshaq pen syrǵyp túskeli turǵan kórpeni, tənimen salystyrǵanda sonshalyqty qorash, jypyrlaǵan sıraqtaryn kórip jatty...»
Frans Kafkanyń áıgili «Qubylý» novellasy dál osylaı bastalady. Rasynda, ol jándikke aınalyp ketken edi. Absýrd pen absolıýttiń arasy qanshalyq? Eseptep kórip pe edińiz? Menińshe, tym jaqyn ári tym alys...
Jaqynda áleýmettik jeliden mynadaı jazbany oqyp qaldyq. Onda «О́mir degen – uıqydan oıana salysymen jańa dúnıeni tanımyn degen talpynys» dep jazypty. Ras-aý... Hakim Abaı da qarasóziniń birinde kishkentaı balany sıpattaı kelip: «Ne kórse soǵan talpynyp, jaltyr-jultyr etken bolsa, oǵan qyzyǵyp, aýzyna salyp, dámin tatyp qarap, tamaǵyna, betine basyp qarap, syrnaı-kerneı bolsa, daýsyna umtylyp, onan erjetińkiregende ıt úrse de, mal shýlasa da, bireý kúlse de, bireý jylasa da tura júgirip, «ol nemene?», «bul nemene?» dep, «ol nege úıtedi?» dep, «bul nege búıtedi?» dep, kózi kórgen, qulaǵy estigenniń bárin surap, tynyshtyq kórmeıdi. Munyń bári – jan qumary», demeýshi me edi? Adamdy adam etip turǵan osy degdarlyq, jan qumary emes pe?
Endeshe, eseıe kele dúnıeni tanýǵa degen talpynys nege óshe beredi? Jańa nárseler jahanda qaptap tur. Sony nege zerttep, zerdeleýge asyqpaımyz? Uıqy basyp, uıyqqa bata bergimiz keledi...
Bir kúni kezekti mazasyz uıqydan keıin adam emes, jándik bolyp oıanbasaq jarar edi...
«Men keıde ózimdi Gregor Zamza sezinemin» deıdi ishki daýys...
