Foto: gov.kz
Saltanatty ashylýynda Qorǵanys mınıstrligi Sport komıtetiniń tóraǵasy – Ortalyq sport klýbynyń bastyǵy polkovnık Arman Ábeýov: «Ataqty batyrdyń qurmetine arnalǵan dástúrli týrnır bıyl 27-shi ret ótkizilip otyr. Saǵadat Qojahmetuly elimizdiń Qarýly kúshteriniń bastaýynda turǵan tulǵa. Ol óz ómirin týǵan Otanyna qyzmet etýge arnady. Biz úshin ol qaharmandyqtyń, janqııarlyq pen áskerı boryshqa adaldyqtyń úlgisi», dep atap ótti.
Ákesiniń qurmeti men aǵa býynnyń erligin ulyqtaý úshin jasalyp jatqan is-sharalarǵa batyrdyń qyzy Aısulý Nurmaǵambetova otbasynyń atynan rızashylyǵyn bildirdi.
«Bul kúnderi ótip jatqan is-sharalardyń bárin maıdanda qan tókken ardagerler men Jeńisti jaqyndatý jolynda tylda ter tókken jandardyń barlyǵyna qurmet dep bilemin. Ákem óz eliniń naǵyz patrıoty boldy. Ol úshin Otanǵa paıdasyn tıgizý úlken baqyt bolatyn», dedi Aısulý Saǵadatqyzy.
Qazaqstan, Armenııa, Ázerbaıjan, Qyrǵyzstan, Tájikstan, Túrkimenstan, О́zbekstan elderinen barlyǵy 21 komanda quramyndaǵy 150-deı boksshy judyryqtasatyn baıraqty báseke tórt kúnge sozylyp, 25 mamyrda aıaqtalady.