Foto: Mereı Qaınaruly
Osy aýmaqta aǵyp jatqan Býyrshyn ózeni transshekaralyq Qara Ertis ózenine, al Qara Ertis Zaısan ózenine quıady.
Marqakól aýdanynyń Boran aýylynda ornalasqan gıdrobekettegi kórsetkish boıynsha Qara Ertis ózeniniń deńgeıi 543 sm qurap otyr. Bul qaýipti deńgeıden 18 sm-ge joǵary.
Qazirgi tańda ShQO ákimdigi jáne TJD jaǵdaıdy baqylaýǵa alyp, shuǵyl sharalar qoldanyp jatyr. Jergilikti jerde atqarýshy bılik, polısııa jáne prokýratýra organdary aldyn ala eskertildi.
Aýyldyń tómengi tusynda ótken jyly uzyndyǵy 400 m, bıiktigi 675 sm bóget salynǵan. Bógettiń bıiktigi qazirde qaýipti deńgeıden 1,5 m joǵary bolǵandyqtan, áli de 70 sm-ge jýyq aralyq bar.
Qara Ertis ózeniniń deńgeıi ár 4 saǵat saıyn ólshenip, táýlik boıy baqylaý uıymdastyryldy. Aýyl mańyndaǵy uzyndyǵy 60 m bolatyn bógetti kúsheıtý jumystary júrgizilip jatyr.
Eldi meken turǵyndary eskertilip, tótenshe jaǵdaı týyndaǵan jaǵdaıda turǵyndardy ýaqytsha ornalastyrý oryndary ázirlendi. Ázirge bógetti kúsheıtý jumystaryna 11 adam jáne 7 tehnıka jumyldyryldy.
Boran aýylyna jaqyn mańdaǵy Tarbaǵataı, Zaısan, Kúrshim jáne Úlken Naryn aýdandarynan qosymsha tehnıka men mamandar jumyldyryldy.
Eldi mekenge tóner qaýip joq. Jaǵdaı baqylanyp jatyr.
