Foto: gov.kz
– «Sybaılas jemqorlyqqa qarsy is-qımyl týraly» zańdaǵy sońǵy ózgeristermen kvazımemlekettik jáne jeke sektor uıymdarynda korporatıvtik parasattylyq standarttaryn saqtaýǵa jaýapty sybaılas jemqorlyqqa qarsy komplaens-qyzmetter ınstıtýty engizildi. Jemqorlyqqa qarsy komplaens-qyzmetti qurý úshin mańyzdy dálel – sybaılas jemqorlyq sýbektileri. Osy kvazımemlekettik sektor laýazymdy adamdardyń aıasyn keńeıtýdi kózdeıdi, – dedi Qaırat Báıgebaev.
Semınarda respýblıkalyq deńgeıdegi sarapshylar óz tájirıbesimen bólisti. Sybaılas jemqorlyqqa qarsy is-qımyl agenttigi prevensııa qyzmetiniń sarapshysy Asan Aıdarhanov komplaens baǵdarlamasyn qurýdyń ádis-tásilderi jóninde baıandama jasasa, Energetıka mınıstriniń komplaens jónindegi keńesshisi, Komplaens jáne iskerlik etıka qaýymdastyǵynyń tóraǵasy Dáýren Aqshalov pen «Frıdomtelekom» AQ komplaens ofıseri Dáýren Týlın mekemedegi komplaens táýekelderin basqarý tetikterine toqtalyp ótti.
Prezıdent janyndaǵy Memlekettik basqarý akademııasynyń oblys boıynsha fılıalynyń professory Bekmahan Ahmetov komplaens qyzmetiniń saıasatyn egjeı-tegjeı túsindirse, oblys boıynsha ishki memlekettik aýdıt departamentiniń bas mamany Baýyrjan Kabashev memlekettik satyp alý úderisinde sybaılas jemqorlyq táýekelderin anyqtaý joldaryna toqtalyp ótti.
Taraz qalasy men aýdandardan qatysqan 80-ge jýyq qatysýshyǵa ádistemelik baǵyt-baǵdar berilip, is-shara nátıjesi boıynsha arnaıy sertıfıkattar tabystaldy.
