Foto: turkystan.kz
Qulsary qalasynyń «Bolashaq» shaǵyn aýdanyndaǵy alǵashqy 80 úı «Qazaqstan halqyna» qoǵamdyq qorynyń qarajaty esebinen salynady.
Atyraý oblysynyń qurylys basqarmasynyń basshysy Nurbergen Qusaıynovtyń aıtýynsha, búginde topyraqty tegisteý jumystaryna úsh merdiger uıymnyń 20 arnaıy tehnıkasy men 30 jumysshy jumyldyrylǵan.
- Qazirgi ýaqytta irgetas qurylysymen qatar, jańa shaǵyn aýdanǵa jol ınfraqurylymyn salý jumystary bastaldy. Qalǵan ınjenerlik kommýnıkasııalar júrgizilip tur, - dedi Nurbergen Qusaıynov.
Atyraý oblysynyń ákimdigimen arada qol qoıylǵan memorandým sheńberinde, jergilikti atqarýshy organ jańa úıler salý úshin jer ýchaskelerin sýǵa ketpeıtin qaýipsiz aımaqtardan bólýdi qamtamasyz etýde. Sondaı-aq jergilikti atqarýshy organ qurylys júrgizý merzimi men tehnıkalyq talaptardy saqtaı otyryp, qurylys jumystarynyń sapasyn baqylaıdy.
