Foto: Aqorda baspasóz qyzmeti
Prezıdent Qasym-Jomart Toqaev Qazaqstan-Sıngapýr bıznes forýmy aıasynda munaı hımııasy ónimderin shyǵaratyn iri kásiporyn – Indorama korporasııasy basshylarynyń biri Amıt Lohıamen kezdesti. Sıngapýrda ornalasqan Azııadaǵy jetekshi hımııa ónerkásibi holdınginiń 32 elde 136-dan astam óndiris alańy bar. Sondaı-aq álemdegi eń iri kompanııalardyń – Forbes Global 2000 tizimine kiredi.
Prezıdentke berilgen málimet boıynsha atalǵan kompanııa Jambyl oblysyndaǵy fosfor ken orny bazasynda tolyq sıkldi fosfor tyńaıtqyshy óndirisin ashý jónindegi ınvestısııalyq jobany júzege asyrýǵa qyzyǵýshylyq tanytyp otyr.
Byltyr maýsym aıynda Indorama korporasııasy elimizde hımııa ónerkásibin damytý maqsatynda AHQO ıýrısdıksııasynda jańa ken oryndaryn ıgeretin Indorama Kazakhstan Mining enshiles uıymyn tirkedi.
Memleket basshysy agroónerkásip sektorynda mıneraldy tyńaıtqyshtardy qoldaný mańyzdy ekenin atap ótip, Indorama korporasııasyn elimizdiń aýmaǵynda hımııa óndirisin ashý úshin ınvestısııa salý perspektıvasyn jan-jaqty zerdeleýge shaqyrdy.
