Qyzdar tehnologııany urshyqsha ıiredi

Baǵdarlama «Kinergy» qo­ǵam­dyq qorynyń kom­mersııalyq emes jobasy sanalady. «Iаndeks Qazaqstan», «Alstom Foundation», «People Consulting», «Lenovo», «BTS Digital» kompanııalary qol­daý kórsetken is-shara «Narxoz» ýnıversıtetinde ótti. Men­tor­lardyń jetekshiligimen qyz­dar teh­nologııalar men ınnovasııa­lar kómegimen áleýmettik máseleler­di sheshýge arnalǵan 159 mobıl­di qosymsha ázirledi. О́ńirlik shara ­barysynda 44 komanda óz jobalaryn tanystyryp, 6-aýy halyqaralyq fınalǵa irikteldi.

Baǵdarlamaǵa qatysýshylar 8 jyl ishinde álemdik fınalda 6 ret el namysyn qorǵady. Baǵdarlamaǵa 8–18 jastaǵy qyzdar tegin qatysa alady. Osy jyldarda olar 1400 mobıldi qosymsha ázirlegen. 2017 jyly Qazaqstan komandasy 63 eldiń arasynan dara shyǵyp, bas júldeni enshilegen edi.

Osy joly oqýshy qyzdar áleý­mettik kún tártibinde turǵan tur­mystyq zorlyq-zombylyqtan qorǵaý, qurylys nysandaryn­­da­ǵy qaýipsizdik, qazaq tilin úırený­ge qyzyǵýshylyqty arttyrý, tur­ǵyndardy jer silkinisi kezin­degi minez-qulyq qaǵıdattaryna úıre­tý, kıberqaýipsizdik, býllıngten qorǵaý, ekologııa, bilim, medısı­na salasyna qatysty joba­lar­dy ­tanystyrdy.

«Technovation Girls Kazakh­stan» qyzdarǵa baǵdarlamalaý­dy úıretýmen qatar tehnologııa kóshbasshylarynyń jańa býynyn tárbıeleýge yqpal etedi. Qatysýshy qyzdar komandalary munda tájirıbe jınaqtap, kópshilik aldynda sóıleý daǵ­dy­laryn úırenip, kreatıvti she­shimder tabýǵa, shyǵarmashylyq erkin oılaý mashyǵyn ıgerdi. Sonymen birge elimizdiń ózekti áleýmettik syn-tegeýrinderine jaýap beretin mobıldi qosym­shalaryn damytýdy úırenip, ári qaraı jalǵastyrýǵa múmkindik aldy. Baǵdarlama qyzdarǵa bilim daǵdylaryn ıgerýge ǵana emes, jańa seriktes dostar tabýǵa yqpal etedi. Búginde «Technovation Girls» túlekteri Qazaqstanda, shetelde bedeldi joǵary oqý oryndary­nyń, sonyń ishinde «Harvard» jáne «Stanford University», basqa da ýnıversıtetterdiń stýdentteri atandy. Bıylǵy qatysýshylardyń rekordtyq sany Qazaqstannyń ha­lyqaralyq fınalda jeńiske jetý múm­kindigin arttyra túse­di», deıdi «Technovation girls Kazakhstan» baǵdarlamasynyń elshisi Arman Shoqparov.

«Iаndeks Qazaqstan» ázirleý­shi­si jáne «Technovation Girls Kazakhstan» tálimgeri Indıra Tem­keshevanyń aıtýynsha, jo­baǵa qa­tysý talanttardy tanýmen qatar, ozyq tehnologııalar­dy qoldana otyryp, naqty áleý­mettik máselelerdi sheshýge múm­kindik beredi. «Mentor retinde oqý­shy qyzdarmen óz bilimimmen, tájirıbemmen bólistim. Olardy qoldap, baǵyttap otyrdym. Jal­py, «Iаndekstiń» 90-nan astam qyz­metkeri jobaǵa mentor, sarapshy, oflaın, onlaın kezdesýler­de jáne fınalda qazylar alqasyna aralasyp, bilim berýge atsalys­ty. Qatysýshy qyzdardyń táji­rıbeshilerden alǵan bilimi erekshe nazar aýdarýdy qajet etedi», deıdi ol.

Marketıng, baǵdarlamalaý, iskerlik jáne prezentasııa daǵ­dylary boıynsha bilim berý mo­dýl­derin qamtyǵan 12 aptalyq baǵdarlama aıasynda qatysýshy­lar úshin «Iаndeks Qazaqstan» áleý­mettik kásipkerlik dárister ót­kizdi. О́ńirlik kelesi fınal Astana qalasynda 1 maýsymda ótedi. Qa­zaqstandaǵy óńirlik fı­nal­dar­dyń jeńimpazdary San-Fran­sıs­koda Kremnıı alqabynda ótetin halyq­aralyq fınalda el múddesin qorǵaıdy.

ALMATY