Foto: gov.kz
Kórmeniń saltanatty ashylýyna Memlekettik áskerı-tarıhı mýzeıdiń basshysy Lázzat Áljan, Qarýly kúshterdiń ardagerleri, merzimdi qyzmettiń áskerı qyzmetshileri, armııa generaly S. Nurmaǵambetov atyndaǵy áskerı kolledjdiń kadetteri jáne batyrdyń týystary qatysty.
Tuńǵysh Qorǵanys mınıstri týraly qyzyqty estelikter aıtqan general-leıtenant Baqytjan Ertaev batyrmen bolǵan esten ketpes kezdesýlerge de toqtaldy. Armııa generaly Saǵadat Nurmaǵambetov óte qarapaıym bolatyn, áskerı bólimderge de jıi baryp turdy. Tipti, qaramaǵyndaǵylardyń esimin jatqa biletinin atap ótti.
Batyrdyń qyzy Aısulý Saǵadatqyzy Nurmaǵambetova Halyq qaharmanynyń ómirinen qyzyqty estelikterden syr shertti.
«Ol kisiniń ómirbaıany vzvod komandırinen bastap mınıstrge deıingi jaýyngerlik joldan turady. Ákem qýatty, zamanaýı jáne utqyr armııany armandady. О́mirlik ustanymy týǵan halqy men eline qyzmet etý bolatyn», dedi Aısulý Saǵadatqyzy.
Ekspozısııada Saǵadat Qojahmetulynyń armııa generalynyń saltanatty kıim nysany, qujattar men nagradalary, soǵys kezindegi, soǵystan keıingi jyldar men Qazaqstan Qarýly kúshterin basqarý kezeńinen syr shertetin sırek fotosýretteri qoıylǵan. Batyrdyń 1994 jyly Almatyda AQSh Qorǵanys mınıstri Ýılıam Perrımen kezdesýin jáne 2005 jyly 9 mamyrda Nıý-Iorkte ótken ekinshi dúnıejúzilik soǵystyń aıaqtalýynyń 60 jyldyǵyna arnalǵan BUU-nyń saltanatty otyrysyna qatysýyn beıneleıtin fotosýretteri erekshe qyzyǵýshylyq týdyrady.
Is-shara Ulttyq áskerı-patrıottyq ortalyǵy Ortalyq áskerı orkestriniń shyǵarmashylyq ujymy daıyndaǵan konsertpen aıaqtaldy. Ortalyq ansambldiń solısi Dáýren Tóleýbaev kórmege kelýshiler úshin «Saǵadat» ánin oryndady.
