Qoǵam • 28 Mamyr, 2024

Elimizdiń sý qoımalaryna 12 mlrd tekshe metrden astam tasqyn sýy jınaldy

114 ret

kórsetildi

1 mın

oqý úshin

Bıylǵy sý tasqyny kezinde Qazaqstannyń sý qoımalaryna 12 mlrd tekshe metrden astam sý jınaldy. Jınalǵan sý ekonomıka qajettilikteri úshin paıdalanylady. Bul týraly Sý resýrstary jáne ırrıgasııa mınıstrliginiń baspasóz qyzmeti habarlady, dep jazady Egemen.kz.

Aıana TOǴANBEK

Elimizdiń sý qoımalaryna 12 mlrd tekshe metrden astam tasqyn sýy jınaldy

Foto: Gov

«Elimizdiń sý sharýashylyǵy qurylystary sýdy qaýipsiz ótkizýdi qamtamasyz etti jáne tasqyn sýyn sońǵy jyldary qurǵaýǵa aınalǵan saǵalarǵa, kólderge jáne basqa da sý aıdyndaryna jiberýge múmkindik berdi», dedi Sý resýrstary jáne ırrıgasııa mınıstri.

Sondaı-aq Nurjan Nurjigitov mınıstrlik ázirlegen sý salasyn damytý tujyrymdamasy tasqyn sýdy basqarý boıynsha ozyq elderdiń tájirıbeleri zerttele otyryp, tolyqtyrylatynyn aıtty. Budan bólek, tasqyn sýdy basqarýdy jáne qurǵaqshylyq saldaryn azaıtýdy kózdeıtin uzaq merzimdi qujat ázirlenetin bolady.

Sondaı-aq eldimekender úshin táýekelderdi kórsetetin tasqyn sýy qozǵalysynyń elektrondy kartasyn jáne sý men sý ınfraqurylymynyń jaǵdaıy men mólsheri týraly aqparatty qamtıtyn sý resýrstaryn esepke alýdyń, monıtorıngileýdiń jáne boljaýdyń biryńǵaı júıesin ázirleý josparlanyp otyr.