Foto: A.Baıjumanov
«Ǵylym jáne tehnologııalyq saıasat týraly» zań jáne oǵan ilespe «QR-nyń keıbir zańnamalyq aktilerine ǵylym jáne tehnologııalyq saıasat, platformalyq jumyspen qamtý jáne memlekettik baqylaý máseleleri boıynsha ózgerister men tolyqtyrýlar engizý týraly» zań ǵylymdy damytýǵa qolaıly jaǵdaı jasaýdy jáne elimizdiń básekege qabilettiligin qamtamasyz etýde ǵylymı jetistikterdiń nátıjesin engizý úshin tehnologııalyq saıasatty júzege asyrýdy, ǵylymdy damytýdaǵy negizgi baǵyttar men ustanymdardy, ǵylymı jáne ǵylymı-tehnıkalyq qyzmet sýbektilerin memlekettik qoldaý tetikterin aıqyndaýdy kózdeıdi. Zańdarda ulttyq ǵylym júıesin damytý tetikteri bar, ǵylymı qyzmet sýbektileri, olardyń quqyqtary belgilengen. Ulttyq ǵylym akademııasynyń quqyqtyq mártebesi, Ǵylym qorynyń qyzmeti jáne ǵylymı qyzmetti qarjylandyrý tetikteri de bekitiledi.
Parlamentshiler «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasynyń Kodeksine (Salyq kodeksi) jáne «Salyq jáne bıýdjetke tólenetin basqa da mindetti tólemder týraly» QR-nyń Kodeksin (Salyq kodeksi) qoldanysqa engizý týraly» QR-nyń Zańyna ózgerister men tolyqtyrýlar engizý týraly» QR-nyń zańyn da qarady. Zańnyń mindeti ǵylymdy damytý úshin qolaıly jaǵdaılar jasaý jáne kásipkerlik sýbektilerin ǵylymı jáne ınnovasııalyq qyzmetke tartý, ǵylymı-zertteý, ǵylymı-tehnıkalyq jáne tájirıbelik-konstrýktorlyq jumystarǵa jeke ınvestısııa salý úshin salyqtyq jáne ınvestısııalyq preferensııalar berý bolyp tabylady.
Senatorlardyń aıtýynsha, zańdardy qabyldaý ǵylymnyń elimiz ekonomıkasyna qosatyn úlesine oń áser etedi jáne ǵylymı áleýettiń básekege qabilettiligin arttyrady.
Komıtet músheleri talqylaý qorytyndysy boıynsha zańdardy Palata otyrysynda qaraýǵa jiberý týraly sheshim qabyldady.
