foto: aqmeshit-aptalygy.kz
Sot málimetinshe, basshylar azyq-túlik ónimderine jalǵan suranys berip, senimsiz nysanmen elektron shot-faktýralar, salystyrý esepterin jasasqan. Menedjerler aqshany JShS dırektorynyń esepshotyna aýdarǵan.
«Osylaısha, sottalýshylar JShS dırektorynyń kómegimen ózderine senip tapsyrylǵan 35 mıllıon teńgeden astam iri kólemdegi múlikti urlaǵan», delingen habarlamada.
Sotta prokýror aıyptaýdy qoldady. Sottalýshylar kinálaryn moıyndamaı, aqtaý úkimin shyǵarýdy surady. Jábirlenýshiniń ókili aıyptalýshynyń kámeletke tolmaǵan balalaryn eskere otyryp, bas bostandyǵynan aıyrýmen baılanysty emes jaza taǵaıyndaýdy surady.
Nátıjesinde sot menedjerlerdi úsh jylǵa bas bostandyǵynan aıyrdy. Olardyń bireýi úshin jazany jeńildetetin jáne aýyrlatatyn mán-jaılardyń joqtyǵy, sondaı-aq densaýlyǵyna baılanysty naqty jaza bas bostandyǵyn shekteýmen aýystyryldy. Dál osyndaı jazany balabaqsha qyzmetkeri de alǵan. JShS dırektory osyǵan uqsas qylmystyq quqyq buzýshylyq úshin buryn sotty bolǵany eskerilip, 4 jylǵa sottaldy.
«Sottalǵandarǵa memlekettik qyzmette jáne kvazımemlekettik sektorda qyzmet atqarý quqyǵynan ómir boıyna aıyrý túrindegi qosymsha jaza taǵaıyndaldy», dep tolyqtyrdy sot.
