Atyraý oblystyq polısııa departamentiniń málimetinshe, jol-kólik oqıǵasy 29 mamyr kúni bolǵan.
«Kúndizgi saǵat 16:30 shamasynda Aqtóbe-Atyraý-Astrahan tas jolynyń 406-shaqyrymy tusynda eki kólik soqtyǵysty. Kóliktiń biri – Nıva, ekinshisi – Toyota. Jol-kólik oqıǵasynyń saldarynan 4 adam túrli dene jaraqatyn aldy. Zardap shekkenderdiń arasynda Nıva avtokóliginiń júrgizýshisi men 2 jolaýshysy bar. Zardap shekken taǵy bir jolaýshy Toyota avtokóliginde bolǵan. Túrli dene jaraqatyn alǵan 4 adam Maqat aýdandyq ortalyq aýrýhanasyna jetkizildi», - dep málimdedi polıseıler.
Qazir Maqat aýdandyq polısııa bóliminiń qyzmetkerleri jol-kólik oqıǵasyna baılanysty tıisti is qujattaryn jınaqtaýda.
