Ony lıtvalyq «Chronus Robotics» startapy qurdy. Qurylǵynyń alǵashqy bastamasy 2020 jyly jarııalanǵan-tuǵyn. Jaqynda onyń alǵashqy synaqtary bastaldy. Onyń jambas beldikteri úderis kezinde adamnyń oryndyqtan syrǵyp ketpeýin qamtamasyz etedi. Oryndyqty kóterý mehanızmi men dóńgelekter deneniń joǵarǵy bóliginiń qozǵalysymen basqarylady. Sondyqtan paıdalanýshynyń qoldary árqashan bos bolady. «Kim-e» bir zarıadta 30 km-ge deıin júre alady. Jol talǵamaıtyn dóńgelekteri bar.
Qabyrǵa turǵyzdy
Sıýrıh ǵylymı zertteý ınstıtýtynyń komandasy jasaǵan «HEAP» robot-ekskavatory adamnyń kómeginsiz ári sementti qoldanbaı tas qabyrǵa turǵyzdy.
Robot 12 tonnalyq ekskavator negizinde jasalǵan. Ony ǵalymdar óziniń baǵdarlamalyq jasaqtamasymen jabdyqtap, ózgertti. Erekshe qurylǵy eritindini qoldanbaı, qurǵaq tastan bıiktigi 6 metr, uzyndyǵy 65 metr qabyrǵa turǵyzdy. Eksperımenttiń bir bóligi retinde «HEAP» qurylys alańyn skanerlep, onyń 3D kartasyn jasady. Sodan keıin robot árbir tasty jerden kóterip, mashınalyq kórý tehnologııasyn qoldanyp, onyń salmaǵy men aýyrlyǵyn baǵalady.
Marsqa kesirtke barady
Nankın ýnıversıtetiniń ǵalymdary jańa tórt aıaqty robot oılap tapty. Robot-kesirtke bolashaqta Marsty zerttemek.
Zertteýshiler Mars relefiniń kúrdeli qurylymyna baılanysty ádettegi dońǵalaqtar múldem kelmeıtinin aıtty. Endi bul máseleni sheshýge shóldi kesirtkeniń qozǵalý stılin kóshire alatyn, ıkemdi dene qurylymy bar bıomımetıkalyq jorǵalaýshy robot kómektesedi. Qyzyq qultemir baýyrymen jorǵalaýshylarǵa tán qımyldaryn qaıtalaı alady. Sebebi ár aıaǵy terbelmeli qozǵalysty týdyrady. Robottyń aıaqtarynda eki topsa men tyrnaqtan turatyn tórt ıkemdi saýsaq bar.
