Qýanyshty kún

«Báıterek» holdıngi jáne Qazaqstan Ipotekalyq Kompanııasy jalǵa beriletin turǵyn úı baǵdarlamasy boıynsha Shymkent qalasynyń turǵyndaryna jańa páterlerdiń kiltin tabys etti. Jaqynda «Báıterek» holdıngi jáne Qazaqstan Ipotekalyq Kom­pa­nııasy jalǵa beriletin tur­ǵyn úı baǵ­darlamasy boıynsha Shym­kent qalasynyń turǵynda­ryna ja­­ńa páterlerdiń kiltin tabys etti. Saltanatty jıyndy «Báıte­rek» holdıngi basqarma tóraǵa­synyń orynbasary Alına Aldam­bergen ashyp, jańa qonys ıele­rine baq-bereke tiledi. Sodan soń bastapqy tólemaqysy joq, paıyzy tómen turǵyn úı keshenin salýǵa qatysqan, «Qazaqstan Ipote­ka­lyq Kompanııasy» Ipoteka­lyq Uıy­my» AQ tóraǵasy­nyń orynbasary Bolat Dosmuha­metov sóz alyp, Qa­zaqstan boıynsha eki myńǵa tarta osyndaı úı paıdalanýǵa berilse, sonyń teń jartysyn ońtús­­tikqazaqstandyqtar qurap otyr­ǵanyn erekshe atady. Alǵashqy bolyp óz páter­leriniń kiltin alǵandar Mádına Seralıeva, Mádına Áýelbekova, Nurbol Ahmetov qýanyshtaryn jurt­pen bólisip, osyndaı qamqor­lyq jasaǵany úshin Memleket basshysyna rahmetterin aıtty. Turǵyn úı baǵdarlamasyna baılanysty «Báıterek» hol­dıngi basqarma tóraǵasynyń orynbasary Alına Aldambergen jýrnalısterge suhbat berip, tómendegi jaǵdaıdy baıandady. Jıyrma jyl merzimge satyp alý quqyǵymen jalǵa berilgen osy páterlerdiń aı saıynǵy tólem­­deri ortasha eseppen 1 ból­meli páterler úshin 21 myń teńge, 2 bólmeli páterler úshin 35 myń teńge jáne 3 bólmeli páterler úshin 46 myń teńge bolady eken. Bıyl «Báıterek» holdıngi jalpy alǵanda, jalǵa beriletin turǵyn úıdiń 487 myń sharshy metrin satyp alýdy, salýdy jáne olardy jergilikti atqarýshy organdarda kezekte turǵandarǵa usynýdy josparlap otyr. Bul shamamen 9 740 páter. Baǵdarlamany iske asyrýdyń 5 jyl ishinde jal­damaly turǵyn úıdiń 1 483 sharshy metrin berý josparlanyp otyr. Bul shamamen 29 myńǵa jýyq páterge jýyqtaıdy. «Nurly Jol – bolashaqqa bastar jol» atty Qazaqstan hal­qyna Joldaýynda Elbasy N.Á.Nazarbaev jalǵa beriletin turǵyn úı qurylysyna kózqa­rasty qaıta qarastyrýdy tapsyrdy. QR Úkimeti О́ńirlerdi damytýdyń 2020 jylǵa deıingi baǵdarlamasyn ázirledi. Ol baǵdarlamada jalǵa beriletin turǵyn úıge erekshe nazar aýdaryldy. Jeńildik talaptarymen áleýmettik jalǵa beriletin turǵyn úıdi berýge Ulttyq qordan 180 mlrd. teńge bólinse, onyń ishinde «Báıterek» holdıngine jalǵa beriletin turǵyn úıdi salý jáne satyp alý úshin 145 mlrd. teńge berildi. Al 35 mlrd. teńge jer­gilikti atqarýshy organdar úshin bólindi. Olar qarajattardy ınjenerlik-kommýnıkasııalyq ın­fraqurylymdy júrgizýge jum­saıdy. Olardyń ishinde 2015 jy­ly 92,5 mlrd. teńge, 2016 jyly 52,5 mlrd. teńge bólinedi. Baǵdarlamany júzege asyrý aıasynda 49 myń jańa jumys orny quryldy, onyń 20 myńy bıylǵy jyly jáne taǵy 650 maman salynǵan úılerdi paıdalanýǵa berý kezinde jumysqa tartylady. Baǵdarlamaǵa JAO-da kezekte turǵan myna sanattarǵa jatqy­zylatyn tulǵalar qatysady: kópbalaly otbasylar, tolyq emes otbasylar, múgedek balany tár­bıelep otyrǵan otbasylar, jetim balalar, oralmandar, memlekettik qyzmetshiler, áskerı qyzmetshiler, bıýdjettik uıymdardyń qyzmetkerleri sııaqty sanattarǵa jatatyn jer­gilikti atqarýshy organdardyń kezeginde turǵan azamattarǵa birin­shi kezekte beriledi. Baǵdarlama boıynsha páterlerdiń elý paıyzy kórsetilgen sanattardyń 35 jasqa deıingi jas otbasylardyń arasynda úlestiriledi. Kezektik tiziminen jergilikti atqarýshy organdar iriktep alǵan azamattar tólem qabilettiligin rastaý úshin «Qazaqstan Ipote­kalyq Kompanııasy» IU» AQ-qa jiberiledi. Keıinnen,tólem qabilettiligi boıynsha irikteýden ótken adamdar páterlerdi naqty úlestirý úshin ákimdikterdiń tur­ǵyn úı komıssııasynyń sheshi­mimen bekitiledi. Biz jańa qonysqa kirgenderdiń úılerine baryp, páter ıeleriniń qýanyshymen bólistik. Oblys­tyq IID ákimshilik polısııa bas­qarmasynyń aǵa ınspektory, maıor Nurbol Ahmetovtiń qýanyshyn túsinýge bolady. «Úı bolmasa kúı bolmaıdy» degen ras eken, ju­mysyń jaqsy bolǵanymen kó­ńil qobaljýly. Endi óz úıim bar, bala-shaǵanyń erteńi úshin alańdamaımyn» deıdi. Jalǵyz basty ana, úı kezeginde segiz jyl turyp, qashan qoly jeterine kózi jetpegennen keıin ıpotekalyq úıge aýysqan Madına Serǵazıeva «Buryn teledıdardan úı alyp jatqandardy túsirgen habardy kórip «netken baqytty jandar» dep súısinetin edim. Qyzyqtym, qyzǵandym. Sol baqyt mine, meniń basyma da keldi. Qyzym ekeýmizdiń qýanyshymyzda shek joq. Saıa Serǵazıeva Pýshkın atyn­daǵy mekteptiń 4-synyp oqýshysy, ol da gúl-gúl jaınap júr. – Men qatty qýanyp turmyn, – deıdi ol. – Eń aldymen Nursultan atama, sosyn osy úıdi salyp bergen «Báıterek» holdıngine rahmet aıtamyn. Meniń Qazaqstanym eń kúshti memleket bolady. Úısizdik qamytyn moınynan sypyryp tastaǵan turǵyndar qýanyshtaryn osylaı bildirýde. Baqtııar TAIJAN, «Egemen Qazaqstan». ShYMKENT. Cýretterdi túsirgen Hýsan Azızov pen Qaısar Sherim.