Qoǵam • 31 Mamyr, 2024

Sapasyz kórsetilgen memlekettik qyzmetke Telegram-bot arqyly shaǵymdanýǵa bolady

240 ret

kórsetildi

1 mın

oqý úshin

Telegram mobıldi qosymshasy naqty ýaqyt rejıminde memlekettik qyzmetterdiń sapasyna shaǵymdanýdyń jańa mehanızmin engizdi. EgovKzBot2.0 bot-platformasy shaǵym túsirý nemese bıýrokratııany azaıtý jáne bıznes-prosesterdi jeńildetý týraly usynys engizý múmkindigin qarastyrdy, dep habarlaıdy Egemen.kz.

Egemen Qazaqstan

Sapasyz kórsetilgen memlekettik qyzmetke Telegram-bot arqyly shaǵymdanýǵa bolady

Foto: Aleksandr Manzıýk / TASS

Bul fýnksııany engizýge bastamashy jáne ázirleýshi Memlekettik qyzmet isteri agenttigi men Sıfrlyq damý, ınnovasııalar jáne aeroǵarysh ónerkásibi mınıstrligi boldy.

«Yńǵaıly ınterfeısi bar fýnksııany qoldaný arnaıy daǵdylardy talap etpeıdi. Endi memlekettik kórsetiletin qyzmetterdi alý kezinde kúrdeli máseleler týyndaǵan jaǵdaıda azamattar «EgovKzBot2.0» Telegram-botyna memlekettik qyzmetti berýshi mekemeniń derekterin engizip, óz pikirleri men usynystaryn nemese shaǵymdaryn jibere alady. Memlekettik qyzmetti alý barysynda artyq qujattardy talap etý, negizsiz bas tartý nemese ýaqtyly qyzmet kórsetpeý jáne basqa da faktiler boıynsha ótinish jiberýge bolady», dep habarlady agenttiktiń baspasóz qyzmeti.

Agenttik túsken barlyq shaǵymdar men usynystar qaralyp, keri baılanys ornatylyp, máseleler qysqa merzimde sheshiledi dep sendirdi.

Qyrmyzy JUMAǴALIQYZY,

EUÝ stýdenti