Saıys kórnekti ǵalym jáne ǵylymdy uıymdastyrýshy, óz zamanynyń eń iri oıshyly jáne tabıǵattanýshy Qanysh Imantaıuly Sátbaevtyń 125-jyldyq mereıtoıy aıasynda ótkizildi.
Olımpıada matematıkalyq, jaratylystaný-ǵylymı jáne baǵdarlamalaý boıynsha 3 baǵyt jáne matematıka, fızıka, bıologııa, hımııa, geografııa, ınformatıka pánderinen pánaralyq keshendi bolyp tabylady.
Is-shara maqsaty – oqýshylardy joǵary deńgeıdegi olımpıadalarǵa daıyndaý júıesin jetildirý jáne jaratylystaný-matematıkalyq baǵyttaǵy pánder men baǵdarlamalaý boıynsha olımpıadalyq rezerv qurý.
Olımpıadaǵa Qazaqstannyń 8 oblysynan (Abaı, Aqtóbe, Mańǵystaý, Ulytaý, Pavlodar, Qaraǵandy, Jambyl, Shyǵys-Qazaqstan), Astana, Almaty, qalalarynan, Nazarbaev Zııatkerlik mektepteri men Pavlodar oblysy bilim berý mekemeleriniń 7-8 synyptarynan 95 oqýshysy qatysty.
Olımpıada eki kún boıy 2 týrda ótkizildi.
I týr – 3 baǵyttyń birin tańdaý boıynsha jeke jazbasha túrde:
- matematıkalyq (matematıka, fızıka, hımııa pánderinen kiriktirilgen tapsyrmalar);
- jaratylystaný-ǵylymı (hımııa, bıologııa, geografııa pánderinen kiriktirilgen tapsyrmalar);
- baǵdarlamalaý (Pascal, S++, Python tilderdiń birinde esep sheshý).
II týr – jazbasha jáne aýyzsha túrde (teorııa jáne praktıka) 6 pánniń biri tańdaý boıynsha, matematıka, fızıka, hımııa, bıologııa, geografııa - aýyzsha, ınformatıka - jazbasha. 2-týrdyń praktıkalyq tapsyrmalarynyń sheshimderi qazylar alqasynyń múshelerine aýyzsha tapsyrylady.
Eki týr nátıjeleri boıynsha shyǵarylǵan Olımpıada qorytyndysynda 61 oqýshy jeńimpaz ben júldeger atanyp, Qazaqstan Respýblıkasy Oqý-aǵartý mınıstrligi «Daryn» respýblıkalyq ǵylymı-praktıkalyq ortalyǵynyń dıplomdarymen, Qurmet gramotalarymen marapattaldy, onyń ishinde I oryn – 8, II oryn – 13, III oryn – 30, Kurmet gramota – 10.
Jeńimpazdar men júldegerlerge baǵaly syılyqtary tabystaldy.
Olımpıada qatysýshylaryna akademık Q.I.Sátbaevtyń memorıaldyq murajaıyna jáne Baıanaýyldyń ulttyq tabıǵı saıabaǵyna qyzyqty ekskýrsııa uıymdastyryldy.
