Foto: Qazaqstan Ulttyq banki
Súleımenov zań boıynsha ETJ mólsherin 85 myńnan az tóleýge bolmaıtynyn tilge tıek etti.
«ETJ - jaı ǵana tólenetin jalaqy emes, bul belgili bir ekonomıkalyq kórsetkish. Zań boıynsha, zııatkerlik, tipti fızıkalyq eńbegi úshin de 85 myń teńgeden az tóleýge bolmaıdy. Ádildikke keletin bolsaq, 85 myń teńge jetkilikti me, joq pa? Árıne, jetispeıdi. Qazaqstanda ETJ ósip keledi, máselen, alty jyl buryn ol 28 500 teńgeni qurady, sodan keıin ol birtindep 42 myń, 60, 70, 85 myńǵa deıin ósti», dedi T.Súleımenov.
Onyń aıtýynsha, eldegi eń tómengi jalaqy ınflıasııadan áldeqaıda jyldam ósti.
«Eń tómengi jalaqy mólsheri ósip jatyr, ol óse berýi kerek. Bolashaqta bul kórsetkishti arttyrýymyz kerek dep esepteımin. Biraq bul jerde eńbek ónimdiliginiń jalaqy ósken saıyn ósýin qamtamasyz etý qajet, áıtpese básekege qabilettilik joǵalady. Bul bizdiń naryǵymyz ben ónimderimizdiń básekege qabiletsiz ekenin bildiredi. Sondyqtan bul makroekonomıkalyq jáne mıkroekonomıkalyq turǵydan da qarastyrýdy qajet etetin másele. Dese de men ekonomıst retinde eń tómengi jalaqyny kezeń-kezeńmen kóterýdi quptaımyn», dep qosty QUB basshysy.
Qyrmyzy JUMAǴALIQYZY,
EUÝ stýdenti
