Palata spıkeri Birikken Ulttar Uıymymen yntymaqtastyqty nyǵaıtý Qazaqstannyń syrtqy saıasatyndaǵy mańyzdy baǵyt ekenin aıtty. О́tken 30 jyldyń ishinde nátıjeli ekijaqty baılanys ornap, berik seriktestik qalyptasty. Sol arqyly birqatar kelisimderge qol jetkizildi.
Kezdesýde taraptar birlesken jumys arqyly ODM qaǵıdasyn jáne 2021-2025 jyldarǵa arnalǵan Eldik baǵdarlamany iske asyrý máselelerine aıryqsha nazar aýdardy. Máýlen Áshimbaev Qazaqstan Prezıdenti ornyqty damý baǵytyna basa mán beretinin atap ótti. Soǵan sáıkes atalǵan salada oń ózgeristerdi kózdeıtin júıeli sharalar qabyldanyp, keshendi jobalar ázirlenip jatyr.
«Qazaqstan Prezıdenti Qasym-Jomart Kemeluly Toqaev Birikken Ulttar Uıymynyń sammıtinde sóılegen sózinde Ornyqty damý maqsattaryn iske asyrý bizdiń memleket úshin ulttyq basymdyq ekenin atap ótti. Osyǵan baılanysty kózdegen nátıjelerge qol jetkizý úshin elimizde maqsatty sharalar qabyldanyp jatyr. Bul jumysqa Parlament depýtattary da belsendi qatysýda. Sonyń aıasynda byltyr Memleket basshysynyń tapsyrmasymen Ornyqty damý salasyndaǵy ulttyq maqsat-mindetterdiń iske asyrylýyna monıtorıng júrgizý jónindegi parlamenttik komıssııa quryldy», dedi Palata tóraǵasy.
Suhbat barysynda atalǵan Parlamenttik komıssııa qyzmetiniń nátıjeleri de sóz boldy. Sondaı-aq ázirlenip jatqan jobalar, onyń ishinde Senattyń Qoǵamdyq Jobalyq keńsesi, Maqsut Narikbayev University jáne Aqmola oblysynyń ákimdigi birlesip qolǵa alǵan akseleratordyń mańyzy talqylandy.
О́z kezeginde Katarjına Vavernıa BUU DB Ornyqty damý maqsattaryn iske asyrýda jáne onyń ósý qarqynyn qoldaý baǵytynda Qazaqstanmen yntymaqtastyqty nyǵaıtýǵa múddeli ekenin aıtty. Sondaı-aq ol ınstıtýttarmen jáne múddeli taraptarmen baılanys ornatýǵa ashyq ekenin jetkizdi.
