Saraptamalyq keńestiń otyrysy

Keshe Aqordada Prezıdenttiń Kómekshisi – Qaýipsizdik Keńesiniń hatshysy Nurlan Ermekbaevtyń tóraǵalyǵymen «Qazaqstan Respýblıkasyndaǵy ekologııalyq qaýipsizdik» taqyrybynda Qaýipsizdik Keńesi janyndaǵy Saraptamalyq keńestiń otyrysy ótti. Otyrysqa qazaqstandyq beıindi ǵylymı-zertteý ınstıtýttardyń jetekshileri men úkimettik emes uıym­dardyń sarapshylary qatysty. N.Ermekbaev Qazaqstannyń turaqty damýy men qorshaǵan ortany qorǵaý máselesine Memleket basshysy erekshe nazar aýdaryp otyrǵandyǵyn atap ótti. Qazirgi ýaqytta elimizdegi  ekologııalyq jaǵdaıdy jaqsartý naqty sheshimderdi qabyldaýdy qajet etedi jáne osy salada azamattardy únemi qaýip-qaterler týraly aldyn ala aqparattandyryp otyrý qajet. Sarapshylar ekologııalyq táýe­kelder, atap aıtqanda, klımattyń ózgerý saldary, jerdiń tozýy men shólge aınalýy, sýdy tıimsiz paıdalaný, óndiristik qaldyqtar men qoqystardyń jınalýy týraly alańdaýly ekendigin bildirdi. Sarapshylar tarapynan Qazaqstandaǵy ekologııalyq qaýipsizdiktiń qaýip-qaterin azaıtý men aldyn alý týraly naqty usynystar berildi. N.Ermekbaev otyrysqa qatysý­shylarǵa sý tasqyny, bolýy múmkin zalaldy azaıtý, tabıǵı apattardyń paıda bolýyn eskertý men ony boljaýdyń tıimdiligin arttyrý máselesi boıynsha ǵylymı, saraptamalyq qoldaý kórsetýge shaqyrdy. Saraptamalyq keńes otyrysynyń qorytyndysy boıynsha Qaýipsizdik Keńes qyzmeti men memlekettik organ­dardyń jumysynda odan ári paıdalaný úshin naqty usynystar berildi.