Bilim • 04 Maýsym, 2024

2024-2025 oqý jyly: Oqýshylardyń bilim alý ýaqyty men demalys kúnderi belgili boldy

8730 ret

kórsetildi

1 mın

oqý úshin

Oqý-aǵartý mınıstrligi 2024-2025 oqý jylynyń bastalýy men aıaqtalý merzimin, sondaı-aq bilim alýshylardy qorytyndy attestattaýdan ótkizý merzimin anyqtaý týraly buıryq jobasyn qoǵamdyq talqylaýǵa usyndy, dep jazady Egemen.kz.

Dana MYRZAQADIR

2024-2025 oqý jyly: Oqýshylardyń bilim alý ýaqyty men demalys kúnderi belgili boldy

Foto: uralskweek.kz

«Ashyq» NQA portalynda jarııalanǵan qujatqa sáıkes jańa oqý jyly 2024 jyldyń 1 qyrkúıegi men 2025 jyldyń 25 mamyr aralyǵyn qamtıdy.

Birinshi toqsan segiz oqý aptasyna sozylady. Kúzgi kanıkýl 28 qazan - 3 qarashaǵa deıin jeti kún bolady.

Ekinshi toqsan – segiz oqý aptasyn quraıdy. Qysqy demalys 2024 jyldyń 30 jeltoqsanynan 2025 jyldyń 8 qańtaryn qosa alǵanda - 10 kún.

Úshinshi toqsan da 10 oqý aptasyna jalǵasady. Oqýshylar kóktemgi kanıkýlda 2025 jylǵy 21 naýryz ben 31 naýryz aralyǵynda, 11 kún demalady.

Aıta keteıik, jańa oqý jylynda mektep tabaldyryǵyn attaıtyn birinshi synyp oqýshylaryna qosymsha 7 kún demalys beriledi. Bul kanıkýl 2025 jylǵy 3 aqpannan 9 aqpan aralyǵyna josparlanǵan.

Tórtinshi toqsan – segiz oqý aptasyn quraıdy.

9-10 synyp oqýshylary úshin bitirý emtıhandary 29 mamyr men 9 maýsym aralyǵynda, 11-12 synyp oqýshylary úshin emtıhan 30 mamyr men 12 maýsym aralyǵynda ótedi.

Buıryq jobasy 18 maýsymǵa deıin qoǵamdyq talqylaýda bolady.