Is-sharaǵa qatysýshylar UQShU jaýapkershiligine qarasty aımaqtaǵy jaǵdaı jóninde pikir almasty.
Qazaqstan Respýblıkasy Qaýipsizdik keńesiniń Hatshysy Ǵızat Nurdáýletov áriptesterine UQShU qyzmetiniń ózekti baǵyttaryna qatysty, sonyń ishinde Qazaqstannyń Uıymǵa tóraǵalyǵynyń basymdyqtary aıasyndaǵy elimizdiń ustanymy týraly málimet berdi.
Halyqaralyq terrorızm, kıberqylmys, esirtki men qarý-jaraqtyń zańsyz aınalymy, uıymdasqan transulttyq qylmys sııaqty qaýip-qaterlerge qarsy is-qımyl sharalaryna da erekshe nazar aýdaryldy.
Otyrys qorytyndysy boıynsha UQShU Ujymdyq qaýipsizdik keńesiniń «Tájik-aýǵan shekarasyn nyǵaıtý jónindegi Ujymdyq qaýipsizdik týraly shart uıymynyń maqsatty memleketaralyq baǵdarlamasy týraly» sheshiminiń jobasy maquldandy.
Jıynǵa qatysýshylar UQShU aıasyndaǵy yqpaldastyqty damytýǵa jáne Uıymdy odan ári nyǵaıtýǵa nıetti ekenin rastady.
UQShU-ǵa Qazaqstan Respýblıkasynyń tóraǵalyǵy eskerilip, Qaýipsizdik keńesteri hatshylary komıtetiniń kezekti otyrysy bıyl qarasha aıynda UQShU Ujymdyq qaýipsizdik keńesiniń sessııasy qarsańynda Astanada ótedi.
