Sport • 06 Maýsym, 2024

Jarys kúndeligi

86 ret

kórsetildi

2 mın

oqý úshin

Qazirgi kezde Italııanyń Todı qalasynda stend atýdan «PERAZZI CUP» týrnıri ótip jatyr. Bul jarysta 20 memleketten kelgen 350-ge tarta mergender óner kórsetýde. Ázirge Qazaqstan quramasynyń qorjynynda qos medal bar. Edýard Eshenko men Dıana Sábeýova «skıt-mıks» jattyǵýy boıynsha aralas juptar saıysynda qola medaldy ıelense, «trapta» Vıktor Hasıanovqa teń keler eshkim tabylmady.

Ǵalym SÚLEIMEN

Polshanyń Jeshýv qalasynda sporttyq akrobatıkadan ótken Álem kýboginiń kezeńdik saıysynda Dıl Danıel men Vadım Shýlıar kúmis medaldy ıelendi.
15 maýsymda Ońtústik Koreıanyń Mokpo qalasynda ıadro, dısk, balǵa jáne naıza laqtyrýdan lısenzııalyq Azııa chempıonatynyń shymyldyǵy túriledi. Bul jarysta Qazaqstannyń týy astynda Ivan Ivanov (ıadro), Artýr Gafner (naıza), Evgenıı Mılovaskıı (dısk) jáne Anastasııa Kaloshına (balǵa) syndy sportshylar óner kórsetedi.
Bul kúnderi Horvatııanyń astanasynda «WTT Contender Zagreb» týrnıri ótýde. Záýresh Aqasheva úshinshi aınalymǵa deıin jetti. Ol serbııalyq Dragan Vınevıch pen ıtalııalyq Debora Vıvarellıdi utqanymen, úshinshi kezeńde Tokıo Olımpıadasynyń qola júldegeri, bıylǵy álem chempıony Lı Ho Chıngke jol berdi. Juptyq jarysta Zaýresh pen Vıven Shols (Lıýksembýrg) taılandtyq Djınnıpa Savettabýt/Vanvısa Aýeavırııaıothınnen aılasyn asyrǵanymen, ile-shala Fransıske Shreıner/Sofıı Klı (Germanııa) ese jiberdi. Al Alan Quramanǵalıev jáne Aıdos pen Dastan Kenjeǵulovtar bastapqy básekelerinde súrindi. Alan gonkongtyq Chan Boldýın, Aıdos chehııalyq Lıýbomır Iаncharık jáne Dastan mysyrlyq Mohamed El-Beıalıdiń osal tusyn taba almady.
Ystanbuldyń «Beshıktashynda» oınap júrgen elimizdiń tanymal fýtbolshysy Bahtıer Zaınýtdınov kelesi maýsymda Reseı Premer-lıgasyna oralýy múmkin. Keıbir derekkózderge sensek, Qazaqstan quramasynyń jartylaı qorǵaýshysy úshin Sankt-Peterbýrgtiń «Zenıti» túrkııalyq klýbqa 4,5 mıllıon eýro tóleýge ázir. Qazirgi kezde qos tarap kelissózder júrgizip jatqan kórinedi.