Olımpııa oıyndaryna ár elden ár salmaq boıynsha tek bir sportshy qatysatynyn eskersek, 60 kg deıingi salmaq dárejesinde úsh dzıýdoshy, atap aıtqanda, Eldos Smetov, Nurqanat Serikbaev jáne Maǵjan Shamshadın olımpıadalyq reıtıngte joldama ıegerleri tiziminde boldy. Sondyqtanda ózara irikteý beldesýi uıymdastyryldy.
Eldos Smetovtiń bul – úshinshi Olımpııadasy. Jerlesimiz 2016 jyly Rıo Olımpıadasynda altynǵa bir qadam qalǵanda súrindi. Fınalda reseılik Beslan Mýdranovqa qosymsha ýaqytta «vazarı» ádisimen jeńildi. Tokıo Olımpııadasy jartylaı fınalynda tatamı ıesi Naohısa Takatodan qosymsha ýaqytta esesi ketip, qola medaldy qanaǵat tutqanyn kózimizben kórdik. Endi mine, 32 jastaǵy E.Smetov úshinshi múmkindikke ıe bolyp otyr.
Baıraqty básekege Qazaqstan ulttyq qurama komandasynan segiz dzıýdoshy qatysady. Onyń jeteýi – óz salmaq dárejelerinde jekeleı saıysqa qatyssa, bir sportshy aralas-komandalyq jarystyń lısenzııasyna ıe boldy.
Áıelder: Abıba Abýjaqynova (48 kg), Kamıla Berliqash (+78 kg), Esmıgúl Kýıýlova (aralas-komandalyq jarys).
Erler: Eldos Smetov (60 kg), Ǵusman Qyrǵyzbaev (66 kg), Danııar Shamshaev (73 kg), Abylaıhan Jubanazar (81 kg), Nurlyhan Sharhan (-100 kg).
Parıjde ótetin XXXIII Jazǵy olımpııa oıyndarynda dzıýdo boıynsha jarystar 27 shilde men 3 tamyz aralyǵyna josparlanǵan.
