Taǵy bir toqtala ketetin jaıt, tizimge qurylysy áli bastalmaǵan ruqsat qujaty joq nysandar da kirdi. Basqarma ókilderi osyndaı TÚK boıynsha usynystar ınternet resýrstardyń monıtorıngi nátıjesinde anyqtalǵanyn alǵa tartyp otyr.
Almatynyń qala qurylysyn baqylaý basqarmasy byltyrǵy jyldyń basynan beri sottarǵa zańnama men qurylys normalarynyń talabyn buzǵany úshin 230 talap-aryz joldanǵanyn habarlady. Bul rette 96 nysan tolyq nemese jartylaı buzýdy talap etedi.
Sonymen súriletin nysandardyń ishinde TÚK pen taýnhaýstar bar bolsa da, mindetine salǵyrt qaraǵan qurylys salýshylar birqatar páterdi satyp úlgergen. Kóbine qurylys salýshylar qoldanystaǵy zańnamaǵa sáıkes úleskerlerdiń qarajatyn tartý úshin 3-qabatqa deıingi turǵyn úılerge ruqsat talap etilmeıtindigin paıdalanady. Bul kóbinese bastapqy jyljymaıtyn múlik naryǵyndaǵy kúmándi mámilelerge yqpal etedi. Osyndaı jaǵdaıda tekserý men sot talqylaýyn júrgizýdiń quqyqtyq normasynda belgilengen rásimderiniń uzaqtyǵy mindetine kóz jumyp qaraǵan jaýapsyz qurylys salýshyǵa zańsyz nysanda páterler men turǵyn emes úı-jaılardyń belgili bir sanyn satýǵa múmkindik beredi.
Qala qurylysyn baqylaý basqarmasy júıeli túrde BAQ-ta qala turǵyndaryn qulaqtandyrý úshin jyljymaıtyn múlik satyp alýǵa usynylmaıtyn turǵyn úı keshenderi týraly aqparat jarııalaıdy.
Alaıda jyljymaıtyn múlik naryǵyndaǵy mámiledegi shyǵyndardyń aldyn alyp, keıin sazǵa otyryp qalmaý úshin qurylys salýshydan tolyq ruqsat qujattaryn talap ete otyryp, qala qurylysyn baqylaý basqarmasynyń +7 705 896 6000 WhatsApp anyqtamalyq arnasy arqyly tıisti qujattarynyń bar-joǵy týraly senimdi aqparat alý qajet ekenin umytpaǵan jón. Qala qurylysy jáne ýrbanıstıka basqarmasynan qurylys salýshydan úleskerlerdiń qarajatyn tartýǵa ruqsattyń bolýy týraly aqparat alýǵa bolady.
Eger tutynýshy jyljymaıtyn múlikti zańsyz nysanda satyp alsa, qurylys salýshy qarajatty qaıtarýdan bas tartqan jaǵdaıda Almaty qalalyq ekonomıkalyq tergeý departamentine jáne quqyq qorǵaý organdaryna ótinishpen júginýi kerek.
Basqarma sonymen qatar osy nysandardyń birqatary nelikten jartylaı salynǵanyn jáne olardyń qurylysy bastapqy kezeńde qandaı sebeppen toqtatylmaǵanyn túsindirdi.
«Qazirgi tańda sáýlet-qurylys baqylaý organdary qurylys nysandaryna kedergisiz barý quqyǵynan aıyryldy. Jospardan tys tekserýler Kásipkerlik kodeksimen reglamentteledi jáne tek resmı ótinish negizinde júrgiziledi. Osylaısha, zańsyz qurylys faktisin tirkeý jáne qurylys salýshyǵa shara qoldaný úshin jospardan tys tekserý júrgizý qajet», deıdi joǵarydaǵy basqarma ókilderi.
Resmı ótinish alǵannan keıin materıaldardy jınaýdy jáne tekserýdi BP Quqyqtyq statıstıka jáne arnaıy esepke alý komıtetiniń basqarmasynda tirkeý úderisi júredi. Tekserý qorytyndysymen buzýshylyq anyqtalǵan jaǵdaıda, olardy joıýǵa jáne qurylys-montaj jumystaryn toqtata turýǵa nusqama beriledi.
Nusqaý merzimi ótkennen keıin tekserý sýbektisi nusqama talaptarynyń oryndalýy týraly aqparat berýge tıis. Eger buzýshylyq joıylmasa, materıaldar jumystardy toqtata turý jáne ákimshilik jaýapkershilikke tartý týraly úderistik sheshim qabyldaý úshin mamandandyrylǵan aýdanaralyq ákimshilik sotqa jiberiledi. Sodan keıin nysandy buzý týraly azamattyq tártipte sotqa talap-aryz joldanady. Sot úderisteri nysannyń kólemine jáne istiń kúrdeliligine baılanysty birneshe aıǵa sozylady.
Qysqasy, zańsyz qurylys máselesi qala bıliginiń qatań baqylaýynda ekenin aıta ketý kerek. Qala basshysynyń tapsyrmasymen megapolıs boıynsha talap qoıý qyzmetiniń nátıjesine sáıkes ótken jyldan bastap 35 zańsyz nysan tolyq nemese jartylaı buzyldy. Onyń ishinde bıznes ortalyqtar, meıramhanalar, qosalqy ǵımarattar men avtoservıster, sondaı-aq «Mechta» jáne «Khan» sııaqty iri turǵyn úı keshenderi bar.
ALMATY
