Foto: EUÝ
Elsevier - álemdegi eń iri ǵylymı baspalardyń biri, ol dúnıe júzindegi ǵylymı jýrnaldardyń barlyq maqalalarynyń tórtten birin shyǵarady.
«Eurasian Journal of Physics and Functional Materials» jýrnaly Eýrazııa ulttyq ýnıversıtetinde 2017 jyldan bastap aǵylshyn tilinde shyǵarylady. Ǵylymı basylymnyń barlyq maqalalary da Scopus halyqaralyq ǵylymı derekter bazasyna engizilgen.
«Eurasian Journal of Physics and Functional Materials» jýrnaly ıadrolyq fızıka, joǵary energııa fızıkasy, balamaly jáne sýtegi energetıkasy, t.b. saladaǵy ǵylymı zertteýlerdiń nátıjeleri týraly materıaldardy qamtıdy.
Jýrnaldyń halyqaralyq redaksııa alqasynyń quramyna Qazaqstan, Reseı, AQSh, Fransııa, Japonııa, Fınlıandııa, Shvesııa, Italııa, О́zbekstan, Anglııa ǵalymdary, sondaı-aq CERN jáne Birikken ıadrolyq zertteýler ınstıtýty sııaqty álemdik deńgeıdegi ǵylymı uıymdar kiredi.
«Elsevier kompanııasynyń ózi jýrnaldy bazaǵa qosý jáne elektrondyq nusqasyn shyǵarý týraly bizge usynyspen shyqty. Elsevier platformasynda «Eurasian Journal of Physics and Functional Materials» jýrnalynyń jarııalanýy jýrnaldyń ǵana emes, Qazaqstannyń búkil ǵylymı qoǵamdastyǵynyń damýy úshin jańa perspektıvalar ashady. Bul L.N.Gýmılev atyndaǵy EUÝ-da jáne Qazaqstanda júrgizilip jatqan ǵylymı zertteýler sapasynyń halyqaralyq deńgeıin moıyndaý», dep atap ótti jýrnaldyń bas redaktory, EUÝ «Eýrazııalyq fızıka-energetıkalyq zertteýler jáne joǵary tehnologııalar ınstıtýty» ǴZI dırektory Qaırat Kúterbekov.
Ǵylymı jýrnal týraly tolyǵyraq aqparatty jýrnaldyń www.ephys.kz. saıtynan alýǵa bolady.
