Taksısti óltirgen Aqtóbe turǵyny 16 jylǵa sottaldy

ASTANA. 25 sáýir. Aqtóbe qalasynyń turǵyny 26 jastaǵy taksısti óltirgeni úshin 16 jylǵa temir torǵa qamaldy. Bul týraly «Moı Gorod» portaly habarlaıdy. Atalǵan portal taratqan málimetterge súıensek, qylmysker kinásin jartylaı ǵana moıyndaǵan. Sýdıa 21 jastaǵy aqtóbelikti 16 jylǵa qatań rejımdegi túrmege japty. Al onyń sybaılasy qylmysty jasyrǵany úshin eki jylǵa bas bostandyǵynan aıyryldy. Bul qandy oqıǵa 2014 jyly 28 qazanda bolǵan. Marqum bolǵan taksıst jeke VIP-tasymaldaýmen aınalysqan. Tutynýshylaryn ol óziniń jeke kóligimen tasyp, tabys taýyp júrgen. Taksıstiń habarlandyrýyn ınternetten kórgen qylmysker onyń qymbat kóligin tartyp alýdy oılap, aldyn ala qandy jospar qurady. Aram oıyn iske asyrý úshin ol taksıge tapsyrys beredi. Mártók aýdanyndaǵy Jambyl aýylyna barar jolda ol júrgizýshini birneshe jerden pyshaqtaıdy. Kóp qan joǵaltqan jábirlenýshi Nurbekov sol jerde kóz jumady. Osydan keıin qanypezer jigittiń óli denesin aıdalaǵa súırep aparyp tastap, ózi kóligin minip ketken. Qaıtys bolǵan Rúsem Nurbekovtiń artynda úsh qyzy jetim qaldy. Balalarynyń úlkeni 5-te bolsa, ortanshysy bir jarym jasta eken. Al ákesi adam qolynan qaza tapqan kúni kenje qyzynyń ómirge kelgenine on-aq kún bolǵan. Elaman Qońyr. Derek: «Moı Gorod». Sýret: ria.ru.