Foto: Respýblıkalyq báıge federasııasy
Jarys báıgeniń 3 túri boıynsha ótti: Qunan báıge, Top báıge jáne Alaman báıge. Al jalpy júlde qory – 20 900 000 teńge.
«Elimizde at sporty túrleri, onyń ishinde báıge kún sanap damyp keledi. Buǵan biz árıne, qýanyshtymyz. Jaqynda Qostanaı jylqysy týraly zań qabyldanǵanyn estigen bolarsyzdar. Qostanaı jylqysyn qazaqtyń asyl tuqymdy jylqysy retinde jeke bólip qarastyryp otyr», dedi respýblıkalyq báıge federasııanyń prezıdenti Qanat Kópbaev.
Qunan báıgede I oryndy: Júzgen atty jylqy aldy, shabandozy – Ańsar Arystanbek. II oryndy Aqjol degen tulpar ıelendi, shabandozy – Nurhat Erbolatuly. Júldegerlerdiń úshtigin Qasqaldaq túıindedi, shabandozy – Aslanbek Ábdiqal.
Top báıgede Islam Jartybaı tizgindegen Narbýdan tulpar top jardy. II oryndy Aqtanaý atty jylqy aldy, jokeıi – Aıtbaı Oljas. Úshinshi oryndy Bereke degen jylqy jeńip aldy, shabandozy – Sanjar Irınat.
Alaman báıgeden birinshi bolyp Dantıst atty aıǵyr keldi. Onyń shabandozy – Saıan Aqylbekuly. Ertós Islamnur taqymdaǵan Attıla atty jylqy II oryndy ıelendi. Úshinshi oryndy – Semser degen tulpar ıelendi, shabandozy – Dılnur Nurmuqash.
Kórermen úshin jalpy júlde qory 3 000 000 teńgeni quraıtyn júldeler utys oıyny ótti.
Aıta keteıik, Respýblıkalyq báıge federasııasy Qazaqstan Respýblıkasy Ulttyq sport qaýymdastyǵynyń quramyna kiredi. Qaýymdastyq quramynda budan ózge kókpar, teńge ilý, aýdaryspaq, jamby atý, sadaq atý, qusbegilik, asyq atý, «JORYQ» at sporty jáne t.b. federasııalar bar. Ulttyq sport qaýymdastyǵyn belgili kásipker, mesenat, «Altyn Qyran Foundation» Qoǵamdyq qory Qamqorshylyq keńesiniń tóraǵasy Islambek Saljanov basqarady.
Qyrmyzy JUMAǴALIQYZY,
EUÝ stýdenti
