Foto: gamn.org
Aqtóbe garnızonynyń áskerı sotynda ózine senip tapsyrylǵan qarýmen áskerı qyzmetin tastap qashý, avtokólikti aıdap ketý jáne qaraqshylyq jasaý faktileri boıynsha aıyptalǵan qatardaǵy jaýyngerge qatysty úkim jarııalandy.
«Sotta sottalýshy, qatardaǵy jaýynger M. áskerı qyzmettiń aýyrtpalyǵyna tótep bere almaı, ózine senip tapsyrylǵan qyzmettik qarýmen áskerı qyzmet ornynan qashyp ketkeni anyqtaldy. Ári qaraı óz erkimen bólimnen qashý kezinde ol jol jıegindegi jábirlenýshi A-nyń basqarýyndaǵy avtokólikti kórip, ózine senip tapsyrylǵan qarýmen ony qorqytyp, ózi aıtqan baǵytta júrýdi talap etken. Aıtqan jerine kelgennen keıin, sottalýshy M. jábirlenýshiniń syrtqy kıimin ıemdenip, qylmys ornynan boı tasalaǵan», dep habarlaıdy Áskerı sottyń baspasóz qyzmeti.
Oqıǵa oryn alǵan kúni saǵat 13.00 shamasynda qatardaǵy jaýynger M-ny áskerı polısııa qyzmetkerleri ustady.
Sot úkimimen qatardaǵy jaýynger M. QR QK-niń 442-babynyń 2-bóligi, 192-babynyń 1-bóligi, 200-babynyń 4-bóligi boıynsha kináli dep tanylyp, oǵan 5 jylǵa bas bostandyǵynan aıyrý túrindegi jaza taǵaıyndaldy.
Sonymen qatar sottalǵannan is júrgizý shyǵyndary jáne jábirlenýshilerge ótemaqy qoryna májbúrli tólem óndirildi.
Sot úkimi zańdy kúshine engen joq.
