Aqtóbelik Dáýlet Izmaǵambetuly segiz mýzykalyq aspapta erkin oınaıdy. Dombyra, baıan, gıtara, barabandy aıtpaǵanda, saksofon, fleıta sııaqty birqatar úrmeli aspapty jany súıedi. Ol Gınnestiń rekordtar kitabyna eń kúrdeli aspap retinde engen goboıdy meńgergen. Ejelgi Mysyrda paıda bolǵan aspapty XVII ǵasyrda fransııalyq sheberler qaıta jańǵyrtqan desedi. Úndistandyq jylan arbaýshylar áli kúnge deıin túrli qoıylymdarynda qoldanyp keledi.
Fotograf kógershin
Kógershinderdi aerofototúsirilim úshin qashan ári qaıda paıdalandy?
Baıaǵyda hat-habar jetkizýde kógershinderdi paıdalanǵanyn bilemiz. Bul súıkimdi qustar aerofototúsirilimge de qoldanylǵan eken. Alǵashqy kamera qurylǵysynyń patentin 1908 jyly Iýlıı Noıbronner alǵan. Sýretterdiń qolaıly sapasyna qaramastan, Birinshi dúnıejúzilik soǵysta kógershinderdiń kómegimen áýe túsirilimi eshqashan paıdalanylmaǵan. Ekinshi dúnıejúzilik soǵysta ár túrli málimet boıynsha, fotograf kógershinderdi nemister, fransýzdar men amerıkalyqtar ósirgen.
Kúlki – bılet
Teatrǵa kirýge aqsha emes, kúlki kerek. Bizge qısynǵa kelmeıtindeı kóringenmen, buǵan Barselona halqy – kýá. Sebebi olarda spektaklge aqy tóleý kórermenderdiń kúlimsireý sanymen júzege asady.
Barselonadaǵy «Teatreneu» komedııalyq teatry 2014 jyly jańa tólem júıesin iske qosty. Kórermender zalyndaǵy oryndyqtardyń artqy jaǵynda mımıkany taný baǵdarlamasy ornatylǵan planshetter bekitildi. Árbir tirkelgen kúlimsireý 3 eýro boldy, al shoýdyń maksımaldy quny 24 eýroǵa belgilendi. Júıe kórermenderge de, kirisi ósken teatr ákimshiligine de unady.
