Foto: syrboyi.kz
«Páter kezeginde 2013 jyldan beri turamyn. Osy joly Almaty qalasy ákimdiginiń qoldaýymen Naýryzbaı aýdanyndaǵy «Shuǵyla» shaǵyn aýdanynan bir bólmeli páterge qol jetkizgende qýanyshymda shek bolmady. Búginde Almaty sııaqty iri megapolısterde bilim alyp, jumys istep jatqan jastar óte kóp. Olardyń ári qaraı otbasyn quryp, áleýmettik turǵydan muqtaj bolmaýyn qamtamasyz etetindeı turǵyn úı baǵdarlamalarynyń kóp bolǵany abzal. О́ıtkeni páter alýǵa qajetti alǵashqy jarnany jınaý máselesi jas mamandarǵa, jas otbasylarǵa qıyndyq týǵyzady. О́z basym osy qalada Agrarlyq kolledjdi támamdap, Kaspıı ýnıversıtetin qarjy mamandyǵy boıynsha bitirip shyqtym», deıdi Almas.
Búginde Almas jeke kásippen aınalysyp júr. Osydan tórt jyl buryn otbasyn qurǵan. Qazirgi kezde jas shańyraqta bir bala ósip keledi.
«О́z úıim, óleń tósegim» degen naqyldyń mańyzyn endi túsinip jatqandaımyn. Alǵan páterimniń aı saıynǵy tólemi de otbasyna salmaq túsirmeıdi. Búginde men sııaqty páter kezegin kútip júrgen jastar qanshama? Olar jastyq shaǵynyń jaldamaly páterde emes, óz shańyraǵynda ótkenin qalaıdy. Bolashaqta áleýmettik baǵytta berilgen páterlerdi jekeshelendirý máselesi zańnamalyq turǵyda rettelip jatsa, quba-qup der edim. О́ıtkeni jyldar boıy kezek kútip alǵan úıińdi ári qaraı óz otbasyńnyń ıgiligine paıdalanǵanǵa ne jetsin», deıdi qýanyshyn jasyrmaǵan otaý ıesi.
ALMATY
