Foto. «QTJ» UK» AQ baspasóz qyzmeti
О́tken jyly tasymaldanǵan jolaýshylar sany 86,2 myńnan asty. Úsh jyl buryn (2020 jyly) nebári 10 myń jolaýshy tasymaldanǵanyn aıta ketý kerek.
Bıyl Ulttyq tasymaldaýshy «Astana - Býrabaı kýrorty» baǵyty boıynsha elektr poıyzynyń júrý ýaqytyn qysqartty. Endi jolaýshylar aldyńǵy 4 saǵattyń ornyna jolǵa tek 2,5 saǵat jumsaıdy.
Elektr poıyzy aptasyna 5 ret: dúısenbi, sársenbi, juma, senbi jáne jeksenbi kúnderi júredi.
Odan bólek kún saıyn Býrabaı baǵytyna qaraı №6829/6830 «Astana - Kókshetaý» elektr poıyzy da qatynaıdy.
№6829/6830 «Astana - Kókshetaý», Nº7553/7556 «Qaraǵandy - Astana - Býrabaı kýrorty», №6811/6812 «Qaraǵandy - Astana - Býrabaı kýrorty» elektr poıyzdary Astana-1 stansııasy vokzalynan, Nº7507/7508 «Astana - Kókshetaý» elektr poıyzy Nurly Jol vokzalynan qatynaıtyn bolady.
Bıletter quny - 2 271 teńgeden 2 943 teńge aralyǵynda.
Eske salaıyq, keshe Memleket basshysy Qasym-Jomart Toqaev týrızmdi damytý boıynsha keńes ótkizgen edi. Prezıdent Býrabaı kýrorty aýmaǵynda ornalasqan jańa týrıstik aımaqtardy damytýdy tapsyrdy.
Altynaı ABDYSh
L.N.Gýmılev atyndaǵy EUÝ stýdenti
