Úkimet basshysynyń tapsyrmasyna sáıkes, qarjylyq uıymdar men demeýshiler óńirdegi zardap shekken turǵyndarǵa qol ushyn sozyp, kómegin berip otyr.
Komarovo saıajaıynyń turǵyny Aınash Sámenovanyń jalǵyz baspanasy sýǵa ketip, jaramsyz dep tanylǵan. Búgin ol jańa páterine qonystandy.
«2017 jyly Komarovo saıajaıynan úı salyp, otbasymyzben turyp jatqan edik. Tasqyn kezinde úıimizdi sý basty. Qazir, mine, jańa páterdiń kiltin qolymyzǵa aldyq. Qalanyń ortalyǵynda jańa úıde turamyz dep kútken joqpyz. Osyndaı jaǵdaı jasaǵan Memleket basshysyna alǵysymdy bildiremin», dedi ol.
Jalpy Oral qalasynda búginge deıin saıajaıdaǵy úılerin sý basqan 71 otbasyǵa baspana berilgen. Atalǵan jumys áli de jalǵasady.
