Foto: A.Baıjumanov
Shymkent qalasy jáne Jambyl, Qyzylorda, Túrkistan oblystarynan kelgen oblystyq deńgeıdegi 100 jeńimpaz «Ońtústik» óńirdegi úzdikterdi anyqtaý úshin atalǵan qalaǵa jınaldy. Ashylý saltanatyna qalanyń, máslıhattyń jáne KazChess fılıalynyń basshylyǵy qatysty. 9 týrda ótken jedel oıynnyń nátıjesi boıynsha Senat Open ashyq fınalyna qatysatyn 25 ókil anyqtaldy.
Aıta ketsek, irikteý týrnırleri 21 sáýirden bastap 15 oblysta jáne respýblıkalyq mańyzy bar úsh qalada óte bastaǵan bolatyn. Ár óńirdiń úzdik 25 oıynshysy aımaqtyq turǵyda ótetin jartylaı fınaldyń birinde, atap aıtqanda, soltústikte, ońtústikte, batysta, shyǵysta, ortalyqta oınaýǵa quqyly boldy. Tamyz aıynyń sońynda Astanada ótetin fınalda Parlament depýtattary men respýblıkalyq BAQ jýrnalısterin qosqanda 200-ge jýyq adam saıysqa túsedi. Chempıonatqa elimizdiń túkpir-túkpirinen 3 myńǵa jýyq adam keledi.
