Bul – jaqsy kórsetkish

Keshe ǵana respýblıkada­ǵy úzdik on aýyl mektebiniń biri bolyp tanylǵan M.Atymov atyn­daǵy mekteptiń túlegi Nursáýle Júsip 2022-2023 oqý jylynda «Jarqyn bolashaq» olımpıadasy men «Bilgirler saıysy» atalymynda jáne respýblıkalyq Aýyl balalaryna arnalǵan jal­py bilim beretin pánder bo­ıynsha olımpıadasynda top jardy. Sondaı-aq Oqý-aǵar­tý mınıstrliginiń «Úzdik aýyl mektebiniń oqýshysy – 2024» ataǵy men bıylǵy oqý jylyn­da respýblıkalyq jalpy bi­lim beretin pánder boıynsha olımpıadanyń respýblıkalyq kezeńinen ekinshi oryn ıelendi. Bilim dodalarynan júldesiz oral­maǵan oqýshy úzdik jetis­tikteri nátıjesinde, Atyraý qala­syndaǵy Halel Dosmu­ham­ed­uly atyn­daǵy pedagogıka­­­lyq ýnı­versıtetiniń oqý gran­­tyn utyp aldy.

Otbasyndaǵy tórt bala­nyń úlkeni, ıaǵnı ata-anasy­nyń tuńǵyshy Nursáýle kishken­ta­ıynan ónerge, oqýǵa qumar bolyp ósken.

– Bes jyl óner mektebiniń dombyra synybynda oqydym. Ony úzdik aıaqtadym. О́leń jaz­ǵandy jaqsy kóremin. Sińlilerim Juldyzaı men Uldana da óner mektebiniń qolóner synybynda oqıdy, – deıdi Nursáýle. Jas túlek qazaq tili men ádebıeti pá­ni­niń muǵalimi bolýdy maqsat etip otyr.

UBT-da joǵary ball jınap, Mańǵystaý mektepteriniń mereıin asyrǵan Nursáýleniń qurdastary az emes. Sonyń biri – Aqtaý qalasyndaǵy Tutqabaı Áshimbaev atyndaǵy №11 lı­seıdiń oqýshysy Jansaıa Ahme­tova. Ol geografııa-matematıka pánin tańdap, UBT-dan 136 ball jınady. Jansaıa matematıka páni boıynsha respýblıkalyq «Altyn túlek» olımpıadasy­nyń birinshi oryn ıegeri. So­nymen birge Álıhan Bókeıhan atyndaǵy respýblıkalyq pándik olımpıadasynyń oblystyq ke­ze­ńinde jeńimpaz atandy. Al Túp­qaraǵan aýdany Aqshuqyr aýlyndaǵy Aqshuqyr mektep-lıseıiniń túlegi Aıda Ermuqan ınformatıka-matematıka pánin tańdap, 134 ball jınady.

– Negizgi pánderden tıisti upaıdyń barlyǵyn jınaǵan túlegimizben maqtanamyz. Osy tusta Aıdanyń matematı­ka pá­ninen tolyq baldy enshileýinde matematıka pániniń muǵalimi О́ser aǵaıynyń eńbegi erekshe eke­nin atap ótkim keledi. Jyl ba­synan beri únemi baıqaý synaq­tarynan 120-dan joǵary ball jınap júrgen bilimdi túlegimizden kelesi múmkindikte de joǵary nátıje kútemiz, – deıdi mektep dırektory Qalamqas Tileýbaeva.

Qurbylarynyń jeńisti jo­lyn Aqtaý qalasynda №12 mek­teptiń oqýshysy Madına Rama­zanova da jalǵastyryp, ózi tańdaǵan fızıka-matematıka páni baǵyty boıynsha 128 ball jınady.

О́ńirde UBT áli jalǵasyp jatyr. Túlekterdiń baǵy janyp, bilim shamshyraǵy mazdaı bergeı.        

Mańǵystaý oblysy