2023 jyly synaq joba retinde Jańaózen qalasynda qant qumaı ósirý múmkindikterin anyqtaý úshin tuzsyzdandyrý qondyrǵysy iske qosylǵan bolatyn. Artynsha ákimdik tushy sýmen qamtamasyz etý jónindegi máselelerdi sheshýge járdemdesýdi surap, «Halyq» qoryna júgindi. Qor 300 mıllıon teńge bólip, Saıyn Shapaǵatov aýylynda zamanaýı tuzsyzdandyrý qondyrǵysyn ornatyp, ony ákimdik balansyna berdi.
19 maýsymda Mańǵystaý oblysynyń ákimi Nurdáýlet Qılybaıdyń qatysýymen Aqtaý mańyndaǵy Saıyn Shapaǵatov aýylynda tuzsyzdandyrý qondyrǵysy iske qosyldy, ol 25 000 turǵyndy tushy sýmen qamtamasyz etýge múmkindik beredi. Ashylý saltanatynda óńir basshysy Nurdáýlet Qılybaı bul bastamany qolǵa alyp, qarjy salǵan «Halyq» qaıyrymdylyq qoryna Mańǵystaý turǵyndarynyń atynan alǵystaryn jetkizdi.
Tuzsyzdandyrý qondyrǵysy keri osmos prınsıpi boıynsha jumys isteıdi, onda jartylaı ótkizgish membranalar lastaýshy zattardy bógep, sý molekýlalarynyń erkin ótýine múmkindik beredi. Bul 98-99% erigen qatty zattardan, mıkroorganızmderden jáne hımııalyq qosylystardan arylýǵa múmkindik beredi, al bul sýdy tazartyp, ol sýdy ishý qaýipsiz bolady.
«Saıyn Shapaǵatov aýylynda 2023 jyldan bastap quny 300 mıllıon teńge bolatyn úlken qondyrǵynyń qurylysy júrgizildi - bul qondyrǵy Saıyn Shapaǵatov aýylyndaǵy 25 000 turǵyndy, sonymen qatar, kórshiles Aqshuqyr aýylyn da tushy sýmen qamtamasyz etýge múmkindik berdi, olar úshin qondyrǵy táýligine 6 500 tekshe metr tushy sý óndiredi – munyń bári úzdiksiz jumys isteıtin zamanaýı tetikterdiń arqasynda múmkin bolyp otyr», - deıdi qordyń basqarýshy dırektory Narıman Ábilshaıyqov.
Aıta keteıik, «Halyq» qory 2023 jyldan beri Mańǵystaý oblysynyń damýyna 4,5 mıllıard teńge bólgen: onyń 1,8 mıllıardy - Beıneý astyq termınalynyń jumysyn qaıta jandandyrýǵa, 580 mıllıon teńgesi - tuzsyzdandyrý júıelerin ornatýǵa, 530 mıllıony - balalarǵa arnalǵan 60-tan astam sporttyq-aýla obektilerin salýǵa, 1 mıllıard teńgesi Jańaózende aýdany 4 gektar dene shynyqtyrý-saýyqtyrý keshenin qurýǵa bólingen. Sonymen qatar, 500 mıllıon teńge Beıneý aýylyndaǵy úsh mektepti materıaldyq-tehnıkalyq jabdyqtarmen jaraqtandyrýǵa bólindi.
