Foto: Úkimet
Onyń aıtýynsha, qazirgi kúrdeli geosaıası jaǵdaıǵa jáne negizgi saýda seriktesteriniń aǵymdaǵy jaǵdaıyna qaramastan, Úkimet Memleket basshysynyń ekonomıkanyń ósýin qamtamasyz etý jónindegi alǵa qoıǵan mindetine qol jetkizý úshin bar kúsh-jigerin salady.
Búgingi tańda 8% deńgeıinde ósýdiń oń kórsetkishteri qurylys, kólik jáne baılanys salalarynan kórindi. Jappaı sý tasqynyna baılanysty saýdada belgili bir tómendeý baıqaldy. Degenmen, búgingi tańda bul saladaǵy ósý dınamıkasy belsendi túrde qalpyna keltirilýde.
Jalpy Úkimet ekonomıkanyń ósýiniń negizgi núkteleri retinde qurylys, ınfraqurylym, óńdeý jáne AО́K bóledi. Bul salalarǵa qoldaý kórsetiledi.
Úkimet «Samuryq-Qazyna» jáne «Báıterek» holdıngteriniń, ishki kapıtal naryǵynyń resýrstary men qarajatyn, ekonomıkadaǵy basym jobalardy qarjylandyrý úshin tikeleı sheteldik ınvestısııalar men jeke kapıtaldy belsendi tartady. «Báıterek» jelisi boıynsha bıyl jobalardy 3 trln teńgeden astam somaǵa, «Samuryq-Qazyna» qarajaty esebinen – 700 mlrd teńgeden astam somaǵa qarjylandyrý josparlanyp otyr.
Naqty sharalar:
– qurylys salasynda keminde 18 mln sharshy metr turǵyn úı salý josparlanýda;
– «Otbasy Banki» - «Otaý» jáne «Naýryz» jańa jeńildetilgen ıpotekalyq baǵdarlamalaryn iske qosty. Ol boıynsha 64 myń adamnan ótinish qabyldandy;
– jalǵa beriletin turǵyn úı qurylysyna qosymsha 222 mlrd teńge bólindi;
– 12 myń shaqyrymnan astam avtojoldardy salý, rekonstrýksııalaý jáne jóndeý josparlanǵan – bul rekordtyq sandar;
– 13 arnaıy ekonomıkalyq jáne ındýstrııalyq aımaqtardyń, sondaı-aq shaǵyn ónerkásiptik aımaqtardyń aýmaqtary qajetti ınfraqurylymmen qamtamasyz etiledi;
– jańa gaz jelilerin salý esebinen qosymsha 87 eldi mekendi gazdandyrý josparlanyp otyr;
– gaz óńdeý kásiporyndarynyń qurylysy júrgizilýde;
– otandyq taýar óndirýshilerdi qoldaý úshin ulttyq rejımnen alyp tastaý tizbesi 4 ese keńeıtildi. Eger jyl basynda tizbede shamamen 1 myń taýar bolsa, qazir onda 4 myńnan astam taýar túri bar.
«Bul biz qazir júzege asyryp jatqan negizgi aýqymdy sharalar. Olar ekonomıkanyń ósýin qamtamasyz etedi», dep atap ótti Oljas Bektenov.
