Foto: QR Kólik mınıstrliginiń baspasóz qyzmeti
Qazaqstan delegasııasyn Azamattyq avıasııa komıtetiniń tóraǵasy Saltanat Tompıeva, Qytaı delegasııasyn Qytaı azamattyq avıasııa ákimshiligi halyqaralyq qatynastar departamenti bas dırektorynyń orynbasary Baı Venlı bastady.
Kelissózder barysynda eki eldiń bekitilgen tasymaldaýshylarynyń ruqsat etilgen jıilikter sanyn aptasyna 124 reıske deıin ulǵaıtý jáne jıilikter boıynsha qandaı da bir shekteýsiz júk reısterin oryndaý múmkindigi jóninde yntymaqtastyqqa qol jetkizildi.
Sonymen qatar tasymaldaýshylar sany artyp, Qytaı aýmaǵynda jańa pýnkter qosyldy.
О́z kezeginde otandyq avıakompanııalar Haınan aralyndaǵy (Sanıa, Haıkoý jáne Sıýnhaı qalalary) pýnkttrge, onyń ishinde besinshi, altynshy jáne jetinshi «aýa erkindigin» paıdalana otyryp, sheksiz reısterdi oryndaıdy.
Kelissózder nátıjesinde eki el arasynda alǵash ret «ashyq aspan» rejımi ornatyldy. Onyń sheńberinde eki eldiń taǵaıyndalǵan tasymaldaýshylary «aýa erkindiginiń» besinshi dárejesin paıdalana otyryp, aptasyna 42 reıske deıin oryndaý quqyǵyna ıe boldy.
Aıta keterligi, QR tasymaldaýshylary «aýa erkindiginiń» besinshi dárejesin paıdalana otyryp, Qytaıǵa reısterdi oryndaý quqyǵyna ıe bolǵan álemdegi sanaýly elderdiń biri (AQSh jáne birqatar Eýropa elderi).
Qytaı Qazaqstannyń kóptegen baǵyty boıynsha strategııalyq seriktesi, osyǵan baılanysty elder arasyndaǵy reısterdi oryndaý úshin quqyqtyq bazany keńeıtý yntymaqtastyqty odan ári damytý jolynda mańyzdy qadam boldy.
Qyrmyzy JUMAǴALIQYZY,
EUÝ stýdenti
