Foto:top-news.kz
- Saǵat 19:40 – ta 41 jastaǵy áıel ekinshi qalalyq balalar emhanasynda dárigermen janjal kezinde telefonyn syndyryp, basqa bireýdiń múlkine zııan keltirdi, - delingen habarlamada.
Janjal shyǵarǵan turǵyn ákimshilik jaýapkershilikke tartyldy.
Sonymen qatar ákimdik Astanada vandalızm men qoǵamdyq tártipti buzý kórinisterine qarsy kúres jalǵasyp jatqanyn aıtty. Tártip saqshylary buzaqylardy anyqtap, olardy jaýapqa tartady.
«Sonymen, 71 jastaǵy qala turǵyny 3 mamyr kúni tústen keıin Abaı dańǵyly boıyndaǵy №47 úıdiń janyndaǵy turaqta turǵan «Toıota Korolla» kóliginiń aldyńǵy áınegine zaqym keltirdi.Tártip saqshylary turǵyndy taýyp, «bótenniń múlkin qasaqana joıý nemese búldirý» Ákimshilik quqyq buzýshylyq týraly Qazaqstan Respýblıkasy Kodeksiniń 147-1-baby 1-bóligi boıynsha jaýapqa tartty. Oǵan 20 AEK aıyppul salynady nemese 15 táýlikke deıin qamaýǵa alynady», delingen habarlamada.
Sondaı-aq qala ákimdiginiń málimetinshe, dál osyndaı oqıǵa 17 maýsym kúni saǵat 23:30 shamasynda Moldaǵulova kóshesi, 22/1 mekenjaıynda bolǵan. 47 jastaǵy azamat Cherry Tigo 7 kóliginiń farasyn qasaqana zaqymdaǵan. Keltirilgen shyǵyn kólemi shamamen 600 myń teńgeni quraıdy.
Qyrmyzy JUMAǴALIQYZY,
EUÝ stýdenti
