Foto: Daǵystan Respýblıkasy basshysynyń ákimshiligi
Bul týraly Daǵystan respýblıkasynyń basshysy Sergeı Melıkovtyń ákimshiligi Telegram arnasynda habarlady.
«24, 25, 26 maýsym kúnderi Daǵystanda aza tutý kúni dep jarııalandy. Jarlyqqa Sergeı Melıkov qol qoıdy», delingen habarlamada.
Bul kúnderi Respýblıka aýmaǵyndaǵy týlar jartylaı tómen túsiriledi. Sondaı-aq óńirde ornalasqan mádenıet mekemeleri men teleradıokompanııalar oıyn-saýyqtyq baǵdarlamalardy kórsetýdi toqtatady.
Daǵystan bıligi qaza bolǵandar men zardap shekkenderdiń otbasyna kómek kórsetiletinin málimdedi.
Rossııa Dagestan portalynyń málimetinshe, sodyrlardyń Derbent pen Mahachkalaǵa jasaǵan shabýyly saldarynan 10 adam qaza tapqan, onyń segizi quqyq qorǵaý organynyń qyzmetkeri. Sonymen birge, 16 adam jaraqat alǵany belgili boldy. Onyń úsheýi beıbit turǵyndar.
