Qazaqstan – Belarýs: Mádenı baılanys nyǵaıa túsedi

Aıda Balaeva eki el arasyn­daǵy mádenı baılanystyń ma­ńyzyn atap ótti. «Biz Belarýs Respýb­lıkasymen mádenı-gýma­nıtarlyq, jastar jáne basqa da salalardaǵy yntymaqtastyqqa úlken mán beremiz. Eki el arasynda shyǵarmashylyq almasýlar júrip, solıster spektaklderge, túrli jobalar men konsertterge turaqty túrde qatysyp turady. Bizdiń birlesken jobalarymyz dostyq qarym-qatynasty nyǵaıtýǵa yqpal etetinine senim­dimin», dedi mınıstr.

Pavel Ýtıýpın jemisti ynty­maq­tastyq úshin alǵys bildirip, mádenı almasýdyń mańyzyn atap ótti. «Belarýs tarapy is-sharaǵa Qazaqstan ártisteri qatysatyn bolsa, qýanyshpen qabyldaýǵa ázir. Shilde aıynda Vıtebskidegi «Slavıan bazary» halyqaralyq óner festıvalinde Qazaqstan­nyń daryndy ártisterin kútemiz. Mundaı bastamalar bizdiń halyq­tardy jaqyndastyrýǵa jáne eki­jaq­­ty qarym-qatynasty nyǵa­ıtý­ǵa kómektesedi», dep atap ótti elshi.

Qatysýshylar atalǵan jobalar­dy ǵana emes, yntymaqtas­tyq­ty arttyrý keleshegin de  talqy­la­dy. Ekinshi dúnıejúzilik soǵys­taǵy Jeńistiń 80 jyldyǵyna oraı fılm túsirýdi qarastyrý usy­nyl­dy, bul eki elge ortaq tarıh pen má­denı muranyń mańyzyn kórsetedi.

Sondaı-aq taraptar ekijaq­ty kún tártibine qatysty ózekti máselelerdi kóterdi. Yntymaq­tastyqty nyǵaıtýdy atap ótip, ózara baılanystyń áleýetin arttyrý úshin jumys tobyn qurýǵa da­ıyn ekenin bildirdi.