Foto: prostoinvesticii.com
Bekitilgen О́ńirlik jumyspen qamtý kartalaryna sáıkes, 2024 jyly 948 myń el azamatyn jumysqa ornalastyrý kózdelgen. Búgingi tańda 353 myńǵa jýyq adam jumyspen qamtyldy, bul jalpy kórsetkishtiń 37%-yn quraıdy. Onyń ishinde 148 myńy – jastar. Osylaısha, jyl basynan beri memleket sýbsıdııalaıtyn oryndarǵa 137 myń jumyssyz adam jumysqa ornalastyryldy. 97 myńnan astam azamat Memleket basshysynyń «Árbir 10 myń adamǵa shaqqanda 100 jańa jumys orny» bastamasy aıasynda 103 myńnan astam adam jumys berýshiler tarapynan usynylǵan bos jumys oryndaryna, al 16 myńǵa jýyǵy ulttyq jobalar aıasynda iske asyrylyp jatqan baǵdarlamalarǵa jiberilip jatyr.
О́ńirler bólinisinde Abaı (53%), SQO (47%), Qyzylorda (45%) jáne Jambyl (45%) oblystarynda oń dınamıka baıqalady. Kózdelgen josparlardy oryndaýdyń eń tómen kórsetkishteri Aqtóbe oblysynda (30%) jáne Almaty qalasynda (30%) tirkelgen. Premer-mınıstr Oljas Bektenov óńirler ákimdikteriniń osy baǵyttaǵy jumysty jandandyrý qajettigin atap ótti.
Úkimet basshysy ózekti máselelerdi sheshý maqsatynda ótken jyly «Qazaqstan Respýblıkasynyń eńbek naryǵyn damytýdyń 2024-2029 jyldarǵa arnalǵan tujyrymdamasy» bekitilgenin atap ótti. Qabyldanǵan qujat sheńberinde, ásirese, jas mamandar úshin turaqty jumys oryndaryn kóbirek qurý kózdelgen. Búgingi tańda tehnıkalyq jáne kásiptik oqý oryndaryn bitirgen túlekterdiń 25%-ǵa jýyǵy óz mamandyǵy boıynsha jumys istemeıdi. Jańa jumys kúshi qajet barlyq jobalardy qadaǵalaı otyryp, jumys berýshilermen jumyspen qamtýdyń sıfrlyq monıtorıngi arqyly ózara is-qımyldy jolǵa qoıý mańyzdy.
Otyrys barysynda Qazaqstan azamattaryn shetelde jumysqa ornalastyrý jáne azamattardyń quqyqtaryn qorǵaý máselesine erekshe nazar aýdaryldy.
«Olarǵa jalaqy tólemeý, medısınalyq qyzmet kórsetpeý, kelisimsharttar óreskel buzylǵan faktiler bizge belgili. Sondyqtan qazir tıisti úkimetaralyq kelisimderdi bekitý boıynsha jumystar qolǵa alyndy. Qazirdiń ózinde shet elderde bizdiń azamattardy jumysqa ornalastyratyn jeke agenttikterdiń qyzmetin bir júıege keltirý qajet. Qazaqstan azamattary kelisimshart boıynsha senimdi kepildik alýǵa tıis», dedi Oljas Bektenov.
Atalǵan jumys sheńberinde Shyǵys Qazaqstan, Túrkistan jáne Almaty oblystarynda Kásiptik jáne tildik daıarlaý ortalyqtaryn ashý josparlanyp otyr. О́ńirlerdiń tájirıbesi aldaǵy ýaqytta sapaly jumyspen qamtýǵa jáne halyqtyń tabysyn arttyrýǵa yqpal etedi. Jalpy, halyqty jumyspen qamtý jónindegi sharalardy iske asyrý 2029 jylǵa qaraı 3,8 mln sapaly jumys ornyn qurýǵa múmkindik beredi.
