Foto: gov.kz
Sala basshysy alǵash bolyp «Shyǵys» polıgonynda boldy. Munda shilde aıynyń ortasynda áskerı jıyn bastalady. Oǵan shamamen 1,5 myńǵa jýyq adamdy shaqyrý josparlanyp otyr. Qorǵanys mınıstri oqý-jattyǵý ortalyǵynyń rezervshilerge sabaq ótkizetin pýnkti, oqý-jattyǵý alańyn tekserdi. Is-shara barysynda aýmaqtyq qorǵanys brıgadalarynyń quramyn jaýyngerlik daıarlyqtyń qajetti deńgeıde ustaýdyń mańyzdylyǵyn atap ótti.
Sodan soń 30217 áskerı bóliminiń jaýyngerlik mashınalar parkindegi qarý-jaraq pen áskerı tehnıkany jóndeýdi uıymdastyrý, ony uzaqmerzimdi saqtaýǵa ázirligin baıqap kórdi. Modýldik kazarma ǵımarattaryn montajdaý men ashana salý jumystarymen tanysty.
Aıagóz garnızonynda Rýslan Jaqsylyqov jumys saparyn «Maılın» oqý-jattyǵý polıgonynan bastady. Mınıstrge brondy nysandardy joıý, qarsylastyń ushqyshsyz basqarylatyn apparattaryna qarsy turý, elektrondy kúres arqyly drondardy baǵdarlaý tásilderi, basqa da oqý-jaýyngerlik múmkindikteri kórsetildi.
Garnızonnyń áskerı bólimderinde Qorǵanys mınıstri garnızon áskerı qyzmetshileriniń otbasy músheleri turatyn «Iýjnyı» áskerı qalashyǵynyń turǵyn úıleriniń jóndeý jumystarynyń sapasyna jiti mán berdi.
Issapar sońynda R.Jaqsylyqov jaýyngerlik daıarlyq is-sharalaryn joǵary deńgeıde oryndaý, áskerı nysandardy salý merzimderin saqtaý, qarý-jaraq pen áskerı tehnıkany tıisti jaǵdaıda ustaý boıynsha birqatar mindet qoıdy. Ásirese múlik pen oq-dárilerdi qaýipsiz jerlerde saqtaýǵa basa nazar aýdardy.
